ÇERKES ATA SÖZLERİ.
- А зы гуща1эр т1о къэмы1у, къэп1огъахэмэ гъэцак1э
- А зы нэбгырэм щэ ыгъапц1эрэр делэ, а зы машэм щэ ифэрэр нэшъу.
- А зыр т1о къы1орэп, ичатэ т1о къырихырэп.
- Абэр фабэмэ къэзыш1эщтыр зиер ары.
- Ачъэц1ык1у бжъэкъошху.
- Адамэрэ Хьаомрэ къащегъэжьагъэу (бэдэдэ ш1агъэу зыфи1у).
- Аджалым пхъонтэ к1оц1ыми укъыщигъотыщт.
- Адыгагъэмрэ ц1ыфыгъэмрэ зэпе1эх.
- Адыгэ хабз* а1уагъ нахь, оркъ* хабз а1уагъэп.
- Адыгэ хабзэр ижъырэ к1эн.
- Адыгэ хьак1э пытап1э ис.
- Адыгэм ищыгъу-п1астэ гъогурык1ом пегъохы.
- Адыгэм ищыгъу-п1астэ ы1эгу илъ.
- Адыгэм хьак1э ик1ас
- Акъыл зи1эм имы1э щы1эп.
- Акъыл зи1эм уеушъыймэ гуапэ щэхъу, делэм – пыи уеш1ы.
- Акъыл зи1эр делэми еупч1ыжьы.
- Акъылым гупшысэр ян.
- Акъылым ил1ык1о бзэм ил1ык1о нахьи нахь лъэш.
- Акъылым пыир еук1ы.
- Акъылым ылъапсэр – гупшыс.
- Акъылым янэр – гупшыс, ятэр – ш1эныгъ.
- Акъылымрэ насыпымрэ к1эпсэ пытэджэ зэпхыгъэх.
- Акъылынчъэм игъолъэгъу еубы.
- Акъылынчъэм идунай ш1унк1ы.
- Акъылынчъэм уипа1о ети блэк1.
- Акъылынчъэрэ гъочэнджычъэрэ.
- Акъылынчъэрэ къамылъфыгъэрэ зэфэдэ.
- Акъылыр 1ахь мыгощ.
- Акъылыр ащэрэп ык1и ащэфырэп.
- Акъылыр дышъэм нахьи нахь лъап1, шъыхьым нахьи нахь к1уач1.
- Акъылыр жак1эм къыдэк1ырэп.
- Акъылыр жъыгъэ к1агъэп.
- Акъылыр загощым делэр къэнагъ.
- Акъылыр зыщыбэм насыпыр щыхъой.
- Акъылыр зэкъак1оу къак1орэп.
- Акъылыр л1ыгъэм нахьи нахь лъэш.
- Акъылыр шъыпкъэм ителъхь.
- Алъэгъурэ пстэур а1отэжьырэп.
- Амдэз ыштагъэшъ щыс, дак1о ш1оигъоу.
- Амы1уагъэр а1отэжьырэп.
- Анахь 1оф ц1ык1ури зи умыш1эхэны нахьи нахьыш1у.
- Анахьык1эр анахь к1ас.
- Анэ бгъашъорэ хъурышъо джэдыгурэ.
- Апрелыр мэлыжъыхьыжъ.
- Апсэ зы чысэ зэдилъы.
- Апэрэ л1ыр нэфшъэгъо жъуагъу, ят1онэрэ л1ыр – 1ул1э-1удан.
- Апэрэ ш1улъэгъур гум хэк1ыжьыгъуай.
- Апэу 1ашэр къизыхырэр 1ашэм тек1одэжьы.
- Апэу 1ашэр къэзыштэрэр 1ашэм тек1одэжьы.
- Апэу джэдырэм удэмыхьащх.
- Апэу къапщэрэр уишъуз, ят1онэрэу къапщэрэр уип1ур.
- Апэу л1эрэр апэу дахы.
- Апэу плъэгъурэм уишъэф емы1у.
- Апэу умыу, къыуаорэм ушъхьамыс.
- Армэум ыгъэт1ысхьэрэ чыгыр мэгъу.
- Атакъэр къэмы1оми нэф къэшъы.
- Атэкъэ зэуалэ ынэ рауты.
- Атэкъэ зэуалэ ысыдж лъы зак1.
- Аубырэр бысым ш1ы.
- Афрэри зыфырэри Тхьэм елъэ1ух.
- Афтемыхь, афтемыщыжь.
- Ахъщэ зи1эр тыгъуак1омэ ащэщтэ.
- Ахъщэ и1эмэ делэри пщы.
- Ахъщэр уянэ къыуитыгъэми лъытэ.
- Ахьрэри мэгугъэ, зыхьырэри мэгугъэ.
- Ашъуишъэ зытыгъэр хьэ мэтищк1э ащэжьыгъ.
- Ащ игущы1э псым куахъок1э тетхагъ.
- Ащ ы1орэр пшахъом тетхагъ.
- А1орэ пстэуми земыгъэгъап, къыуа1орэ пстэури пш1ош1 умыгъэхъу.
- А1орэ пстэури хъурэп, зэхахэ пстэури къа1уатэрэп.
- А1орэр къэсы, аш1эрэр къэк1ы.
- А1орэр мэхъу, апхъырэр къэк1ы.
- Баджэм ихьилагъэ ыпэ ит.
- Баджэм тыгъужъибл къегъапц1э.
- Баджэм чъэзэ чэтхэр къелъытэх.
- Баджэм чэтхэр елъытэ.
- Баджэм чэтхэр ипк1ыхь.
- Баджэм ык1э ипый.
- Баджэмэ анахь тхьагъэпц1ыри ибы щаубыты.
- Баджэр зыфаук1ырэр ык1.
- Бадзэр ил1эжьыгъом цэкъалэ мэхъу.
- Бадзэу цубжъэм тесми «тэжъо», – е1о.
- Баи хъумэ мэуташъо, тхьамык1э хъумэ – мэгырзы.
- Баибэ зыдэщы1эм тхьамык1аби щы1.
- Баим пщыл1ыр ыштэ хъумэ – шыихъ, жъуахэмэ – иманцыз.
- Баимк1э – шк1абэ, тхьамык1эмк1э к1элабэ.
- Баир ахъщэк1э къаигъэ.
- Бай хъумэ мэуташъо, тхьамык1э хъумэ – мэгъынагъэ.
- Бгъаш1эмэ жъы ухъун.
- Бгъэт1ысырэр 1упхыжьын.
- Бжыдзэр егъасэ, бадзэр есэк1ы.
- Бжыхьэ чэщыр шъэрэ минрэ зэблэхъу.
- Бжыхьэ маш1ор гохьы.
- Бжьахъом ишъоу зэбгырахыжьыти, ежьыри зы шъоу 1эмыч1э къахихыжьыгъ.
- Бжьыным узыгъуибл къырегъажьэ
- Бжьыныфым узыгъуибл егъэгъу.
- Бжьыхьэр бай.
- Бжьэ зыдэсым шъоу дэлъ.
- Бжьэ зэмцэкъагъэм шъоум и1эшъугъэ ыш1эрэп.
- Бжьэми бжьэпщ я1.
- Бжьэмэтабэ зи1эм жант1эм ч1егъэуцо.
- Бзакорэ бзакорэ зэгурэ1ох.
- Бзылъфыгъэ зыдэщысым сэ щырахырэп.
- Бзылъфыгъэм ч1ап1э фаш1ы.
- Бзылъфыгъэм щымыук1ытэрэм напэ и1эп.
- Бзылъфыгъэр акъыл чан.
- Бзылъфыгъэр зыщытхъэщтым гъызэ мак1о, зыщыл1эщтым гуш1озэ мак1о.
- Бзыу къуае нэмык1 имы1э щы1эп.
- Бзыу лъакъо къупшъхьэ хахырэп.
- Бзыуми набгъо еш1ы.
- Бзыуцыфым маш1о хэбгъэбылъхъан плъэк1ыщтэп.
- Бзэгум гур егъачэ.
- Бзэр шъхьэм ил1ык1у.
- Благъэр зыгъэблагъэрэри, унагъор зыгъэунагъорэри бзылъфыгъ.
- Бланэм щэ тефэмэ псыхъом мак1о.
- Бланэр зыщалъфыгъэм ек1ужьы.
- Бланэу чъэрэми зыгорэ къеузы.
- Блэбгъэк1ырэм ук1эхьажьырэп.
- Блэгъэ джэгъогъу нахьи, пый мэхьадж.
- Блэгъэжъ пыижъ хъужьырэп.
- Блэнэ у1агъэр псыхъом мачъэ, гу у1агъэр зыу1агъэм ечъэ.
- Блэр зытраук1ахьырэр ыбзэгу.
- Блэр мэчъые п1оу ык1э утемыуцу.
- Былым зыхъурэм ы1упэ дагъэ 1улъ.
- Былымым димыхьыхырэр ц1ыф шъыпкъ.
- Былымыр нэлат.
- Былымыр гъотыгъош1у, ныбджэгъу шъыпкъэр гъотыгъуай.
- Бын зимы1эр фал1э, зи1эр егъал1э.
- Бын пасэрэ хэтэ пасэрэ.
- Быныр насыпыгъэшху.
- Бырыулэм шиблымэ ак1уач1э хэлъ.
- Бысымгуащэм ик1асэр быным ичэщ1ус.
- Бысымыр хьак1эм и1офтабг.
- Бэ зы1орэм едэ1угъуай.
- Бэ зыгъэш1агъэм нахьи, бэ зылъэгъугъ.
- Бэ п1оны нахьи шэк1 мак1э уерэ1.
- Бэ умы1о, л1ыбэ зыщыгугъырэ л1ыр умыушъхьак1у.
- Бэджэ ныбаджэр цыгъуаш.
- Бэрэ о1ок1э пк1э и1эп, п1орэр умыгъэцэк1эжьыщтмэ.
- Бэрэ п1орэр зэ мэхъу.
- Бэрэ угущы1эмэ уипщ ыц1э къэп1он.
- Бэрэ улъфэн – бэрэ угъын.
- Бэщ бытым къытырэ жьаури быты.
- Бэщ къуащэми жьау къеты.
- Го1эрэ псыхъор хым нэсырэп.
- Гощэ къуим зефэпэфэ джэгур зэбгырык1ыжьыгъ.
- Гощэш1ум нысэш1у еп1у.
- Гу плъыгъэр гущы1э дахэм егъэ1асэ.
- Гуащэм ишэны нысэр егъасэ.
- Гуащэм ымы1уагъэ нысэм къык1и1отык1ыжьырэп.
- Губжыгъэ л1ым ыпэ зыкъимыгъаф.
- Гугъу зимы1э щы1эп.
- Гугъэ 1энэк1ырэ нэк1эшъофаорэ зэфэдэ.
- Гугъэ 1энэк1эу къэнагъ.
- Гугъэ зыдэщымы1эм гъаш1и щы1эп.
- Гугъэ нэк1ы нахьи, лэгъэ нэк1.
- Гугъэм ык1уач1э ины, ч1эзынэрэр мэунэхъу.
- Гуегъу зимы1эр мылым нахьи нахь чъы1.
- Гуит1у зэт1уанэ.
- Гук1эгъу зимы1эр ц1ыфэп.
- Гук1эгъу зыдэщымы1эм нэпси щы1эп.
- Гук1эгъунчъэм дунаир ш1омэзах.
- Гук1эгъур гъунэнчъэ.
- Гум бзэгур итэлмэщ.
- Гум игупшысэ акъылым зэхефы.
- Гум ик1асэр нэм ш1одах.
- Гум илъмэ – шъэфы, жэм къыдэк1ымэ – нафэ.
- Гум имылъ жэм къыдэк1ырэп.
- Гум къахихырэр зы нэбгыр ны1эп.
- Гум къахихырэр псэм ш1о1эш1у.
- Гум къеугупшысы, ш1эныгъэм зэрегъафэ.
- Гум къымыштэрэ шкыным ныбэр къы1этырэп.
- Гум къыугупшысырэр акъылым зэхефы.
- Гум непэ блэ дунаир къечъыхьэ.
- Гум пык1ырэр бэмэ якъабыл.
- Гум пык1ырэр пэк1эжьы.
- Гумрэ нэмрэ зэдачъэмэ, гур течъы.
- Гупшыси псалъэ, еплъыри пыупк1.
- Гупшысэ хьылъэм гур егъэучъы1ы.
- Гупшысэ хьылъэм лъыр егъэучъы1ы.
- Гупшысэ хьылъэм гур зэрегъалъэ.
- Гупшысэ хьылъэм плъэ к1еуты.
- Гупшысэрэр егъэжъы, мыгупшысэрэр егъэпыуты.
- Гупшысэр лъфи, акъылъыр къылъфыгъ.
- Гупшысэр псэм ил1ык1у.
- Гур ауп1э, п1урыр далъхьэ.
- Гур зыдак1орэм лъык1ошъурэр л1ыш1у.
- Гур зынэмысырэм 1эр нэсырэп.
- Гур зыщычэфым, нэгур нэфын.
- Гур к1одымэ дзэр къыптек1о.
- Гур къиным егъэжъы.
- Гур мыжъо пш1ош1а?
- Гурэ 1эбжъанэрэ хэт егъэжъи.
- Гуш1о лыер – делагъ.
- Гуш1огъо мыухыжь хъурэп.
- Гуш1убзыум иджэнэтыпчъэ 1ухыгъ.
- Гуш1убзыум уимыш1эн уегъаш1э.
- Гуща1эр акъылым ил1ык1у.
- Гущы1ак1э зымыш1эрэм бгыбзэ зешхыжьы. зешхахьыжьы
- Гущы1апэр умыш1эрэмэ, гущы1ак1эр къапш1эрэп.
- Гущы1эжъыми жъы хъурэ къахэк1ы.
- Гущы1э дахэм заор егъэуцу.
- Гущы1э дахэм мыжъори егъэтк1у.
- Гущы1э дахэм тамэ къыбгуегъак1э.
- Гущы1э дахэм чэмыри къещы.
- Гущы1э дахэр зэк1эми як1ас.
- Гущы1э дахэр шъоум нахьи нахь 1эш1у.
- Гущы1э дахэрэ нэплъэгъу фабэрэ.
- Гущы1э мыщыурэ шхын мыщыурэ (т1ури дэгъоп зыфи1у).
- Гущы1э фабэрэ гъэмэфэ тыгъэрэ.
- Гущы1э шъабэр гу гъэушъэб.
- Гущы1эжъым дунаир къе1эты.
- Гущы1эжъыр жъы хъурэп.
- Гущы1эжъыр налмэс-налкут.
- Гущы1эжъыр пе1эжьын дышъэ ыуас.
- Гущы1эм гущы1э ипэгъок1, утыным утын ипэгъок1.
- Гущы1эм гущы1э къелъфы.
- Гущы1эным фэ1аз.
- Гущы1эр ащэрэп, псэр ащэфырэп.
- Гущы1эр ащэфырэп, жьыр алъэ1уфэрэп.
- Гущы1эр бэрэ бгъэунэшк1умэ, 1эш1у к1элъыжьэп.
- Гущы1эр жъы хъурэп.
- Гущы1эр к1эк1мэ, псалъэр дахэ.
- Гущы1эр къэомы1офэ уигъэр, къызып1уахэк1э, о уригъэр.
- Гущы1эр пт1упщымэ аркъэныр* лъымыдзыжь.
- Гущы1эр ужэ къыдэмыбыбык1ыфэ уипщыл1. Гущы1эу жэм къыдэк1ырэмрэ бзыоу быбырэмрэ зэфэдэх.
- Гъаблэм благъэр пщегъэгъупшэ.
- Гъаблэм гъэины уеш1ы.
- Гъаблэм сыбысым гуащэу, кощыгъом сысабыигъэмэ.
- Гъаблэм хьайнапэ ыш1эрэп.
- Гъаблэм шхын зэхэдз ыш1ырэп.
- Гъаблэмрэ гъаемрэ зэшых.
- Гъаблэрэ блэгъэ дэйрэ тхьа сащеухъум.
- Гъатхэм учъыемэ, к1ымафэм угъыжьын.
- Гъатхэм чъыягъэр бжьыхьэм мэгъыжьы.
- Гъатхэр гъэбэжъум икъэк1уап1.
- Гъаш1э зи1эм ш1эныгъи и1.
- Гъогу занк1э рык1орэр гъуащэрэп, дэхырэр хэк1уадэ.
- Гъогу занк1э урык1омэ ухэукъонэп.
- Гъогу зэхэк1ым хьэри щэгъуащэ.
- Гъогу рык1о, гъогу тенэрэп.
- Гъогум занк1эу урык1оми, узылъэгъу мыхъурэм гъогу къэщэ-нащэм урэк1оу къелъэгъу. Блэм занк1эу сэк1о е1о, ау къызэплъэк1ымэ ыуж 1онт1э-щант1.
- Гъук1эм гъуч1ым псэ къыпегъак1э.
- Гъук1эм гъуч1ым псэ хелъхьэ.
- Гъук1эм ишы нал к1элъэп.
- Гъук1эм ылъыгъэ шъэжъыерэ, шъузым ыгъэгубжыгъэ л1ырэ.
- Гъук1эм к1ыщыр ик1уап1.
- Гъунэ зимы1э щы1эп.
- Гъунэгъум епыйхэрэп.
- Гъунэгъуш1ур къошым фэд.
- Гъунэгъуш1ур шъоупсы.
- Гъусэ дэи нахьи, хьэш1у уерэгъус.
- Гъусэ дэй пк1ыгъоу мышъэм уемыбэн. Уиныбджэгъу ущыгугъэу мышъэ уемыбэн
- Гъусэ дэйрэ 1эшэ дэйрэ зэшы.
- Гъусэ дэйрэ хьадэгъурэ.
- Гъусэ мыхъурэ 1эшэ мыхъурэ.
- Гъусэш1урэ л1ыш1урэ хэт язэщи?
- Гъусэш1урэ сэшхо ш1урэ хэт язэщи?
- Гъуч1 къалэ зи1эри гъуч1 мастэ щык1эжьэу къыхэк1ы. Гъуч1 къалэ зи1эри гъуч1 мастэ щэк1э
- Гъуч1 мыжъэ афытэрэп.
- Гъуч1ыр зыуфэрэр гъук1эр ары.
- Гъуч1ыри къауфэ, къэмыуфэшъущтыр къаигъэр ары.
- Гъыбзэм гур егъэузы, псэр егъэгумэк1ы.
- Гъэблэ къелыжь нэц1эфаф.
- Гъэблэ къелыжьырэ тхьамык1э к1эжьыгъэрэ Тхьам сащеухъум. Бай хъугъак1эрэ тхьамык1э к1эжьыгъэрэ ц1ыфмэ ахэгъуащэрэп
- Гъэм къэк1ырэр к1ым ешхыжьы.
- Гъэм къэмылэжьырэр к1ым бгъотыжьырэп.
- Гъэм мэкъу зымыупк1эрэм ичэм к1ым хэл1ахьы.
- Гъэмафэм бадзэмэ яо, к1ымафэм ик1эт1эйхэр зэрэшхых.
- Гъэмафэм изы мафэ, к1ымафэм итхьамаф.
- Гъэмафэм ку ч1эгъыри унэ.
- Гъэмафэр тхьамык1эм иджэнэт.
- Гъэмэфэ ощхырэ к1ымэфэ осрэ сыд амыуас?
- Гъэр гъызэ ек1ы, к1ыр к1ыизэ къак1о.
- Гъэрэ шк1ак1э, к1ырэ танэ.
- Гъэтхэ уашъор гъуанэ.
- Гъэш1ум умыгъотырэр гъаем бгъотыжьырэп.
- Гъэш1эн былымы нахьи гъэш1эн акъыл.
- Гъэш1эн зыгъэш1агъэм ыш1эрэр бэ.
- Дак1э зымыш1эрэм и1уданэ к1ахьы.
- Даушыш1ур щылъэу дауш дэир мэ1у.
- Дахэм ынапэ п1астэ рагъэпк1ырэп.
- Делит1ур зэзаомэ ящэнэрэр яплъы.
- Делэ къош уи1эмэ къин ухэк1ынэп.
- Делэ къош уи1эны нахьи уимы1ахэмэ нахьыш1у.
- Делэм 1уш щымы1эжьэу къыш1ош1ы.
- Делэм 1эхъуамбэ фагъэлъагъомэ мэщхы.
- Делэм акъыл и1эп.
- Делэм бэдэдэ еш1эу ш1ош1ы.
- Делэм ебгъук1уи, бзэгухьэр къэухь.
- Делэм зэк1э делэу къыш1ош1ы.
- Делэм зэк1э еш1эу къызыш1уигъэш1ыгъ.
- Делэм зэхитхъон, 1ушым зэхихыжьын.
- Делэм игъомылэ щыпэшх.
- Делэм илажьэ лажьэ зимы1эм тырелъхьэ.
- Делэм къолэн ик1ас.
- Делэм мафэ къэси игуш1уагъу.
- Делэм мафэ къэси имэфэк1.
- Делэм нэмаз ебгъэш1ымэ ынат1э зэгуеутыжьы.
- Делэм ори ч1ыри ыш1эрэп.
- Делэм убэныр ик1ас.
- Делэм удэмыджэгу.
- Делэм уемыупч1эу икъэбар къыуе1о.
- Делэм уипа1о ети бгъодэк1.
- Делэм урипщыным нахьи, 1ушым урипщыл1ымэ нахьыш1у.
- Делэм ущытхъумэ пагэ мэхъу.
- Делэм фапш1эрэр ш1уш1агъэ хъурэп.
- Делэм шъхьэщытхъужь ик1ас.
- Делэмк1э мафэ къэси джэгу.
- Делэмрэ л1эныгъэмрэ 1эзэгъу я1ахэп.
- Делэр – шъхьащытхъужъ.
- Делэр бгъэ1орыш1эн нахьи, 1ушым уерэгъэ1орыш1.
- Делэр дэнап1эм щэчъыеми 1ушыр ащ ехъуапсэрэп.
- Делэр ебгъэджэныри пшэсэнымк1э зыплъэк1ыныри зы.
- Делэр игущы1ак1эк1э къаш1э.
- Делэр к1энэк1алъэ зыш1ырэр делэ.
- Делэр къе1ошъ, мэщхыжьы.
- Делэр лэжьэ зехь.
- Делэр пый шъэф.
- Делэр уипащэмэ лажьэм уфещэ.
- Делэр щытхъук1э агъапц1э.
- Делэри къэмыгущы1эмэ къэпш1эщтэп.
- Делэри къэмыгущы1эфэ 1ушы.
- Джаер къызэраубытырэр ык1.
- Джанэм зыщызылъэрэм ий, шыр тет1ысхьэрэм ий.
- Джанэм нахьи гъончэджыр нахь благъ.
- Джынэм к1ыгъузэ есагъэхэм Тхьэр зэщыгъо ащэхъу.
- Джэгъогъу зимы1эм ныбджэгъум иш1уагъэ ыш1эрэп.
- Джэгъогъу л1ы нахьи л1ынчъэ.
- Джэгъогъум л1ыгъэ уегъэш1ы.
- Джэгъогъурэ к1эсэгъурэ зимы1э щы1эп.
- Джэгъол1ыр л1эныгъэм фэдэу дыджы.
- Джэгъол1ырэ л1эныгъэрэ (т1ури зы зыфи1у).
- Джэмышх нэк1 жэм фахьырэп.
- Джэмышх нэк1ык1э сымыгъашх.
- Джэнэ мылажьэрэ лэжьэ мык1ожьырэ хъурэп.
- Дзыом илъыр ышъхьэ умыт1атэу къапш1эрэп.
- Дзэм хымэ хэтэп.
- Дунаир бжъэкъуапэк1э зэредзэ.
- Дунаир зыгъэнэфырэр тыгъэ, ц1ыфыр зыгъэнэфырэр ш1эныгъ.
- Дунаир зэрэщытэу зы нэбгырэ фыхахыгъэп.
- Дунаир иунаеу зи къэхъугъэп.
- Дунаир къэзык1ухьагъэри иунэ къехьажьы.
- Дунаир къэк1ухьи, уиунэ къихьажь.
- Дунаир ныбжьык1эмэ яй.
- Дунэешхом тефэрэп.
- Дыджыр зымыш1эрэм 1эш1ур ыш1эрэп.
- Дышъэ дизэу къуладжэ регъэлъэгъу.
- Дышъэ коны нахьи псауныгъ.
- Дышъэ къоны нахьи акъылишъ.
- Дышъэ чэтыри мэк1эц1ы.
- Дышъэм лъы1абэрэр тыжьыным хэны.
- Дышъэр ебз хэолъхьэк1э улъыирэп.
- Дышъэр зэрагъэунэфырэр чэзэп, ц1ыфыр зэрагъэунэфырэр и1офш1агъ.
- Дышъэр осэу къесмэ уасэ и1эжьыщтэп.
- Дышъэр ы1э пэчъы.
- Дышъэри ц1ык1у, лъап1э нахь.
- Дэгум ы1он егъоты, нэшъум ыгъотырэр екъузы
- Дэгъор къызэраш1эрэр ишэн.
- Дэгъум иакъыл щэрыу.
- Дэгъум игугъу мыгъор еук1ы.
- Дэгъум ц1ыфхэр ехъуапсэх, апсэм фагъадэ.
- Дэгъур къызэраш1эрэр и1ок1э-ш1ык1.
- Дэгъур къызэраш1эрэр ишэн.
- Дэгъури дэири зымыш1эрэм зэк1э еш1эу къыш1ош1ы.
- Дэеу дыри, дэгъоу ут тедз.
- Дэир к1одымэ игъуси дэк1оды.
- Дэмысырэ сымаджэрэ хэт яжагъ?
- Дэнап1эм ухэзгъэсын (узгъэтхъэн зыфи1у).
- Дэнап1эм щэчъыеми гугъу зи1эр тхъэрэп.
- Дэхэ пагэр мэгырзы.
- Дэхэ шэныш1ор дышъэ чъыг.
- Е зыхэлъым ш1уи хэлъ.
- Е зыш1эрэм е фыщылъ, ш1у зыш1эрэм ш1у фыщылъ.
- Е зыш1эрэм е фыщылъ.
- Е пш1агъэу ш1у ущымыгугъу.
- Ебэджыгъэр къэгъэтэдж, л1агъэр ч1алъхь.
- Ебэр шым тесми хьэр ецакъэ.
- Егупшыси псалъэ, зыплъыхьи т1ыс.
- Егъэжьап1э зи1эу ухыжьыгъо зимы1э зи щы1эп. Егъэжьап1э зи1эм ухыжьып1э и1
- Егъэжьап1э зимы1эм ухыжьып1и и1эп.
- Еджагъэм дунаир ий.
- Еджагъэм дунаир ит1ысып1, емджагъэм джыхьнэмэр ит1ысып1.
- Еджагъэм тхылъыр ыпсэм фегъадэ, емыджагъэм тхылъып1эу къыш1ош1ы.
- Еджэным к1асэ и1эп.
- Ежь фэдэл1ыр зыубырэр л1эп.
- Ежь-ежьырэу ебэджырэр гъырэп.
- Ежьэжъыр ежь-ежьырэу фэбэжьырэп.
- Емрэ ш1умрэ зымыш1эрэр нахьыш1ум щэгугъы.
- Емыджагъэр – нэшъу.
- Емык1ум нахьи л1эныгъ.
- Емыоу пыир еук1ы, имык1эу шыбзэр къырефы, къымыфэу 1ахьыр егощы.
- Ер зыш1эрэм ыныкъо и1ахь.
- Есык1э умыш1эрэмэ псым ухэмыхь.
- Ет1э гъугъэм дэпкъ раирэп.
- Еуутырэр 1упхыжьын.
- Ефэндым «къахьыр» еш1э, ау «махьыр» ыш1эрэп.
- Ефэндыр ыныбэ шъхьарыплъырэп.
- Ешъоным зи насыпыш1о ехъул1агъэп.
- Ешъуак1ом иджыбэ гъуанэ.
- Жабзэмрэ чатэмрэ зэфэдэ.
- Жибгъук1э мэгущы1э.
- Жит1у зэт1уанэ.
- Жъуагъо къефэхмэ, зыгорэ л1агъэ. Жъуагъо къефэхымэ зыгорэ мал1э а1о
- Жъы уимы1эу к1э уи1эщтэп.
- Жъы хъужьырэр к1элэц1ык1ум фэдэу мэхъужьы.
- Жъы хъурэр хьэ 1ухыжьыгъоми чъы1э мал1э.
- Жъыгъэм шхыныр ипкъэу.
- Жъым еубз, к1эр гъэгуш1о.
- Жъым игупшысэ к1эм иакъылы тек1о.
- Жъым игущы1э к1алэм иакъылы тек1о.
- Жъым удэмыхьащх, ори ащ фэдэ ухъужьын.
- Жъым ыгъаш1эрэр ш1омак1, к1эм ыш1эрэр ш1уаб.
- Жъынтыури тхьаркъо къырищынэу мэгугъэ.
- Жъырэ сабыйрэ зэрымыс унэм насып илъэп.
- Жъырэ тэкъэжърэ.
- Жьыбгъэ зыхэмытыр чъы1эп.
- Жьыбгъэ ужыр уае, ое ужыр – хьэдагъэ.
- Жьыбгъэм унэри чылыри екъутэ.
- Заом ущы1эмэ уиунэ зыщымыгъэгъупш.
- Заомрэ гъаблэмрэ зэшых.
- Заор къезыгъажьэрэм ышъхьэ лажьэ къыфехьыжьы.
- Зафэм хабзэр ителъхь.
- Зи джыри щы1эныгъэм езэщи л1эжьыгъэп.
- Зи1эм чылэр ехьак1э, зимы1эм янэ фэхьак1эжьырэп.
- Зибылым к1одыгъэм фэтхьаусыхи, зиакъыл к1одыгъэр гъае.
- Зибэ пш1эрэм ури1аз.
- Зигугъу пш1ырэр пчъэ1ушъхьэм тес.
- Зигъунэгъу зыубырэм ышъхьэ еубыжьы.
- Зикъо к1одырэм ытхьак1умэ къо-дыргъ макъэ ит.
- Зикъухьэ ечъэхырэри къэнэжьы.
- Зикъэбар умыш1эрэ уцогъу умыш1ы.
- Зилъфыгъэ зымыгъасэрэм нэпск1э епщыныжьы.
- Зимыхьэдагъэм инысащ, зихьэдагъэм Тхьэр еуагъ.
- Зимэш1о1адэ ык1э к1ахьым ы1э маш1ом ыстырэп.
- Зиунэ имыхьэрэм ихьэ егъэхьакъу.
- Зиунэ уихьагъэр къыпфэнэгъуцумэ*, къыоуагъэм фэд.
- Зиунэ уихьагъэр къыпфэчэфмэ, къыотагъэм фэд.
- Зихьэ к1одырэм, – «сихьэ к1одыгъэ», – е1о.
- Зихьэм ихьатырк1э хьэми намыс рахы.
- Зихэгъэгу зыхъожьыгъэр уцогъу умыш1ы.
- Зиш1уагъэ къэмык1ощт чъыгым ылъапсэ чыжьэу мак1о.
- Зишъуз шъхьахынэр насыпынчъ.
- Зы 1анэм шъхьэ жъогъэ к1ылъэныкъуит1ури тыралъхьэрэп.
- Зы 1убырым къамит1у зэдифэна?
- Зы къэрабгъэм дзэр тек1уадэ.
- Зы л1ыр абибгъу, л1ибгъур зы аб.
- Зы мэл бгым зепк1эхык1э, пстэури епк1эхы.
- Зы ным къылъфырэ пстэури зэфэдэп.
- Зы ныщым ышъо щэ тырахырэп.
- Зы нэбгырэм ыш1эрэр шъэфы, нэбгырит1умэ аш1эрэр шъэфыжьэп.
- Зы пц1ым шъыпкъишъэ егъэулъыи.
- Зы пц1ым шъыпкъишъэ егъэуш1уц1ы.
- Зы пц1ыри пц1ишъэри зы.
- Зы тхьак1умэм ехьэ, зы тхьак1умэм къек1ыжьы.
- Зы шъузырэ зы шырэ нахь зымылъэгъугъэм къэбар ыш1эрэп.
- Зы шы пай шишъэ псы ешъо.
- Зы щыгъу 1алъмэкъым къуаджэ еущыу.
- Зы1орэр зымыгъэцэк1эжьырэр – л1эп.
- Зы1эк1э къэпразит1у пфэ1ыгъыщтэп.
- Зыгорэм ы1эк1э жъокур зэ1еш1э.
- Зыгорэм иакъылк1э умыпсэу.
- Зыгорэм иш мыгъасэ утемыт1ысхь.
- Зыгорэм ы1эк1э жъокур зэ1еш1э.
- Зыгу к1одырэр ылъэмэ ахьыжьырэп.
- Зыгу къабзэм хьэми ык1э къыфегъэсысы.
- Зыгу стырым гъаш1э и1эп.
- Зыгъэм аупк1эгъэ мэкъур гъит1о афэхъурэп.
- Зызыдигъазэрэр ипкъыбл.
- Зылъэгъугъэ щы1эмэ, зэхэзыхыгъэ улъымыхъу.
- Зыми цыхьэ фэзымыш1ырэм цыхьэ фэмыш1.
- Зыфэмыем ратыгъ, зыфаем къытырахыгъ.
- Зыхьадэр т1о ч1алъхьэрэп, а зы л1эыр т1о къалъфырэп.
- Зыхьэ зэбэнырэм хьишъэ ебэны.
- Зыцэ мыузыгъэрэ зишъуз мыл1агъэрэ уиуз афэмы1уат.
- Зыцэлъышъо къэозгъэлъэгъурэ пстэури уиныбджэгъоп.
- Зыш1эн зымыш1эрэм мафэм остыгъэр хегъанэ.
- Зыш1эрэм къы1орэп, къэзы1орэм ыш1эрэп.
- Зыш1эрэм лыжъ ешхы, зымыш1эрэм лажьэ елъэгъу.
- Зышъхьэ мыузырэм уишъхьэуз емы1уат.
- Зышъхьэ уиунэ илъым ыпси уиунэ илъ.
- Зышъхьэ щымы1эм ищыд хьэмэ ашхы.
- Зыщамыш1эрэм щыл1ыхъужъ.
- Зыщыгъыхэрэм ущымыщх.
- Зыщызылъэрэ пстэуми афэш1у.
- Зыщымыщынэрэхэм идзэ къырадзэрэп.
- Зыщыщ умыш1эрэм уикъэбар емы1уат.
- Зэ п1ощтым т1о егупшыс.
- Зэгуры1о шъынашъом зэдыч1эфэн, зэгурымы1о быгъушъоми ч1эфэнэп.
- Зэгуры1оныгъэ зыдэщымы1эм насып щы1эп.
- Зэгъунэгъуит1у ямэл упхъук1э зэфэдэп. Зэгъунэгъуит1у ячэм щык1э зэфэдэп
- Зэк1ок1ырэм к1эух дэй фэхъу.
- Зэк1э 1офэу и1эр ыухи зи л1эжьыгъэп.
- Зэк1э ыш1эу джыри зи къэхъугъэп.
- Зэк1эми яуахътэ я1.
- Зэк1эмэ ажэ пкудэн плъэк1ыщтэп.
- Зэкъоныгъэр мыгъуагъэм щыщ.
- Зэкъош пстэури зын къылъфыгъэп.
- Зэнысэгъуит1у ядак1э зэфэдэп.
- Зэнысэгъуит1умэ япхъэнк1ак1э зэфэдэп.
- Зэнэкъокъурэр мэунэ, зэхьагъушъугъухэрэр мэунэхъу.
- Зэо у1эгъэнчъэ хъурэп.
- Зэогъу нахьи зы 1улъ.
- Зэогъук1э хьишъэ еук1ы.
- Зэошхом ыуж гъэблэшху.
- Зэрымытым 1этишъэ регъэуцо.
- Зэрэмыш1ит1у азфагу тыгъужъишъэ ит.
- Зэрэп1оу мыхъумэ, зэрэхъоу ш1ы.
- Зэхьэрам ш1уц1абзэх.
- Зэхэдз зыш1ырэр 1энэк1эу къанэ.
- Зэшит1у яшэн зэфэдэп.
- Зэшит1умэ яакъыл зэфэдэп.
- Зэщыгугъыжьхэрэр мэунэхъу.
- Зянэ зи1эр ебэп.
- Зянэ л1агъэр ебэ хъурай.
- Зятэ л1агъэр ебэ ныкъо.
- Зятэ л1эрэр ибэ ныкъу, зянэ л1эрэр ибэ шъыпкъ.
- Ибэм ибэн зэжъу
- Игущы1э куахъок1э псым тетхагъ.
- Игущы1э пшахъом тетхагъ.
- Игущы1э тхьаркъожъ пхыриутырэп.
- Иджыбэ цыгъор щэджэгу. Иджыбэ жьыбгъэр щэшъуе
- Икъэ псы дэхьагъ (и1оф дэи хъугъэ зыфи1у).
- Ил1эгъу къэмысэу зи л1агъэп.
- Илъэсишъэ зыгъэш1агъэр гъаблэ илъэсым хэл1ахьыгъ.
- Илъэсишъэрэ ушык1эн нахьи, зы илъэсрэ орэшыхъу.
- Имы1эм к1энэц1ызэ и1эр ч1инагъ.
- Имы1эм к1энэц1ызэ ицуит1у атыгъугъ.
- Имыгъом аргъоир мэтэджы. Игъом аргъойри мэтэджы. Къамзэгур к1одыжьын хъумэ тамэ къыгуак1э.
- Имыгъом ужэ къызэтемых, къызэтепхыгъэмэ хьал къыдямыгъалъхь.
- Имыгъоу уисэ къимых, къызипхык1э щытхъу хэлъэу илъхьажь.
- Имыжъо къуае хъужьыгъэ.
- Имэфит1у зэшэп.
- Инасып атек1уагъ.
- Инасып чъыг рапхыгъа?
- Иныжъыри гущы1эк1э аук1ы.
- Инысэгъу ик1алэ ышъхьэ ш1огъум, ежь ик1алэ ш1одах.
- Инэу 1о, ц1ык1оу 1отэжь.
- Итхьэ лъап1э къеджэжьыгъ.
- Иунэ жьыбгъэр щэшъуе.
- Ищы1ак1э фэдэр ик1одыжьык1.
- И1о за1о, иш1э заш1э.
- И1орэ иш1эрэ зэтет.
- И1орэ иш1эрэ зэтетэп.
- И1эм 1эблыгу зэч1элъэу хэк1ыгъ.
- «Къо закъорэ нэ закъорэ», – а1уагъ.
- Комэ ц1ык1у нахьи, комэшху.
- Коным имылъымэ 1анэми телъэп.
- Коцыр лэныстэк1э ехы.
- Ку дэим гъогур екъутэ, ц1ыф дэим – унагъор.
- Куахъок1э уанэр шым тырелъхьэ.
- Кур умыунэк1эу, илъыр пш1эщтэп. Кур амыунэк1эу шым зигъэпсэфырэп
- Кушъэ зыфаш1ыгъэу бэн зыфамыт1ыжьын зи щы1эп.
- Къазым псы хэхьана?
- Къаигъэр бэным щэхъу къэзыуфэн зи щы1эп.
- Къаигъэр щытэу мал1э.
- Къамылыбжъэри зэ мэкъутэжьы.
- Къамзэгуми 1уашъхьэ еш1ы.
- Къанджым нэ зыратым «напцэ» ы1ожьыгъ.
- Къарыуш1о нахьи акъылыш1у.
- Къарыушхо нахьи акъылышху.
- Къахьирэ ичатэ ихыгъ.
- Къемыджэхэу 1анэм пэт1ысхьэ.
- Къо губжьыгъэрэ л1ы губжыгъэрэ.
- Къо дэим ятэ хъон къыфехьы.
- Къогу и1.
- Къоджэшхо нахьи, къоджэ благъ.
- Къолэжъ пэтзэ ищырмэ «фыжь ц1ык1ук1э» яджэ.
- Къолэжъым нэ зыфаш1ым, – «напцэ», – ы1уагъ.
- Къом илажьэ хьэм тырелъхьэ.
- Къом ынэ нэшъуми, ным псаоу елъэгъу.
- Къом ыпсэ ным ычый.
- Къор дэгъумэ, нысэри дэгъу.
- Къош1у янэ гуш1о щигъак1эрэп.
- Къуаджэм ипщ нахьи, къуаджэм ицу.
- Къуалэр лы зыдэлъым мэбыбы.
- Къуалэр лы зыщигъотырэм мэхьарзэ, оркъыр былым зыщигъотырэм щепсыхы
- Къуанщэу ущысми, занк1эу гущы1э.
- Къужъыр къызедзыхык1э ылъапсэ ефэжьы.
- Къуй зыдэщысым мажьэ къыщаштэрэп.
- Къулайцызыр баи хъунэу щэгугъу, сымаджэр хъужьынэу мэгугъэ.
- Къунан зэпыт, шы хъухэрэп.
- Къурэ гъугъэк1э иныжъыр еук1ы.
- Къушъхьэри акъылк1э акъутэ.
- Къы1онк1э мыук1ытэрэм, ыш1энк1и ук1ытэщтэп.
- Къы1орэр ежьыри ыш1эрэп.
- Къыдахьэрэри дэмыфыжь, дэк1ыжьырэри умыубыты.
- Къыпфаш1эрэр – ч1ыфэ, афапш1эрэр – уикон илъ.
- Къыск1эупч1эрэм сыдак1орэп, сызк1эупч1эрэм сищэрэп.
- Къыуа1орэ пстэури пш1ош1 умыгъэхъу, хъурэ пстэуми зямыгъэук1.
- Къыуаджэрэр нахьыжъ.
- Къыуао зыш1оигъом бэщ къыгъотыщт.
- Къыуаорэм уемыожьмэ удел ш1ош1ы.
- Къыуаорэм уемыожьмэ, 1э уи1 1оу ыш1эрэп.
- Къыуатэрэр уиблагъэ, къыуаорэр уипым.
- Къэбар дэири къэбар, къэбар дэгъури къэбар.
- Къэда1у, сипшъашъ, зэхаш1 синыс.
- Къэзгъэзэжьырэр тхьэм ештэжьы.
- Къэзыщэгъак1эм к1ок1э шъхьаф къештэ.
- Къэм ахьырэр къахьыжьырэп.
- Къэм щыщынэрэри къэм мэк1ожьы.
- Къэмылъфыгъэ уемыдж, тэджи псы ешъу.
- Къэмылэжьыгъэр гъэк1одыгъош1у.
- Къэмыхъугъэ куандэм тхьак1умк1ахь хэс.
- Къэмыхъугъэ шык1эм уанэ феш1ы.
- Къэмыхъугъэм хахъорэп.
- Къэплъфыгъэк1э умып1ужьыщтмэ – пк1э и1эп.
- Къэпразыш1ур къызэраш1эрэр ышъу.
- Къэптыгъурэм уигъатхъэрэп.
- Къэрабгъэм заор къыуахьызэ яунэ мэк1ожьы.
- Къэрабгъэм л1ыгъэ закъоу ыш1эрэри мэк1оды.
- Къэрабгъэм п1ынэ* къехьы.
- Къэрабгъэм цыгъор къохъусэжъэу къыщэхъу.
- Къэрабгъэм чъыгыр уджэу къыщэхъу.
- Къэрабгъэм щэр к1ахьэ.
- Къэрабгъэр иныбжьыкъу щэщтэжьы.
- Къэрабгъэр ык1э щэщтэжьы.
- Къэрабгъэр ыпэу мао.
- Къэсщэн сэгъоты, ау къыздэк1он згъотырэп.
- К1алэ зып1урэм к1элэ п1упк1э хэк1ы. К1алэ зып1урэм к1алэ щиз хэк1ы
- К1алэм ебгъэлъэгъурэр игъогу.
- К1алэр гъызэ л1ы мэхъу, шъузыр щхызэ жъы мэхъу.
- К1алэр гъызэ л1ы мэхъу, л1ыжъыр щэ1узэ мэл1эжьы.
- К1алэр зып1урэм ий.
- К1алэр мыгъэу быдз 1уалъхьэрэп.
- К1алэр ц1ык1узэ гъасэ, чыр ц1ык1узэ къэуф.
- К1орэм игъогу хэк1ы, к1ыирэм ымакъэ ек1ы.
- К1орэм игъогу хэк1ы.
- К1элэгъурэ гъэтхапэрэ.
- К1элэц1ык1у пхэк1ырэ к1ымэфэ мафэрэ цыхьэ афэмыш1.
- К1элэц1ык1ум фэдэ хъужьыгъэ.
- К1энк1ишъэм хэуцомэ зы к1энк1э ыкъутэрэп.
- К1энк1эм цы хехы.
- К1энк1эр пкъутэмэ к1энк1э жъапхъэ пшхын.
- К1энк1эр умыкъутэу к1энк1э жъапхъэ пшхыщтэп.
- К1эпсэшхом ыхьырэр лыкъум къыхьыжьын.
- К1эр жъы мэхъужьы, ау жъыр к1э хъужьырэп.
- К1эр зэгъаш1э, жъэр зыщымыгъэгъупш.
- Лажьэ запш1эрэм лажьэ къыуеш1эжьы.
- Лажьэ зимы1э ц1ыфыр умыгъабгэ.
- Лажьэ къак1о хъумэ хьэхэр мэхьакъу.
- Лажьэми 1эзэгъу и1, зимы1ахэр – хьадэгъу.
- Лажьэмрэ емынэмрэ* зэкъош, къыпфэзэнк1э къып1ук1энхэу уащымык1.
- Лажьэмэ анахь лажьэр хьадэгъу.
- Лажьэр 1ахь мыгощ.
- Лажьэр къэк1огъош1у, ау к1ожьыгъуае.
- Лажьэрэ 1ахьынчъэ хъурэп.
- Лажьэрэм ищытхъу ц1ыфмэ а1о.
- Лажьэрэм ищытхъу ц1ыфмэ а1уатэ.
- Лъагъом гъогу утырещэ.
- Лъапсэ зи1эм шъхьапи и1.
- Лъапсэ зимы1э чъыгырэ шъэогъу зимы1э ц1ыфырэ.
- Лъапц1эм лъэкъопылъхьэ ыухырэп.
- Лъахъэр зытыгъурэм шыри ытыгъущт.
- Лъфыгъэм фэмыш1эн щы1эп.
- Лъфыгъэр шъоупсы.
- Лъытэныгъэр ныбжьырэ баиныгъ.
- Лъэмыдж зытемылъ псыхъом урищын укъырищыжьын.
- Лъэсрэ шыурэ зэрэш1эрэп.
- Лые умы1о, зып1уахэк1э ук1эмыгъожь.
- Лэжьак1ом и1ашэр ы1эшъхьит1у.
- Лэжьыгъэр мак1эмэ, лажьэр бэ.
- Лэжьыгъэр уикъон къехьажьыфэ уиеп.
- Лэжьыгъэу щы1эр зы нэтым* ифэрэп, ш1эныгъэу щы1эр зы нэбгырэ ыш1эрэп.
- Лэжьэ мык1ожьырэ щыгъын мылажьэрэ щы1эп.
- Лэжьэк1ошхом чылэр егъашхэ, мыпсэу-мылажьэм янэ фэгъэшхэжьырэп.
- Лэжьэным уегъэлъап1э, шъхьахынагъэм уегъэпыуты.
- Лэр мыжъоу лъэпсы хъурэп.
- Л1агъэ къэхъужьырэп.
- Л1агъэм тхъагъо и1эжьэп.
- Л1агъэми агъэт1ылъыжьыщтэп.
- Л1агъэр къэбгъэхъужьын плъэк1ыщтэп.
- Л1ы акъылынчъэрэ, мэш1ончъэ джэныкъорэ.
- Л1ы губжыгъэрэ къо губжыгъэрэ зэфэдэ.
- Л1ы губжыгъэрэ чэтацэрэ* зэфэдэ.
- Л1ы мыщынэр умыгъэгубж.
- Л1ы пстэури зэфэдэп.
- Л1ы пхыгъэм л1ы еожьырэп.
- Л1ы пхыгъэм сэ* къыфырахырэп.
- Л1ы ужынчъэрэ къупшъхьэ лынчъэрэ.
- Л1ы шъыпкъэр и1о епц1ыжьырэп.
- Л1ы шэнычъэр – шъузым иаджал*.
- Л1ы щтапхэ ук1ыгъун нахьи, ушъузэбэныр нахьыш1у.
- Л1ыгъуабэм* быныр ретэкъухьэ, шъузабэм быныр еугъоижьы.
- Л1ыгъэ зыхэлъым 1ашэр щэщынэ.
- Л1ыгъэ зыхэлъыр пый умыш1ы.
- Л1ыгъэ зыхэмылъыр мэзагъоми мэщынэ, л1ыгъэ зыхэлъыр мэзахэми щэгушхо.
- Л1ыгъэм щынэ ыш1эрэп.
- Л1ыгъэр 1ахь мыгощ.
- Л1ыгъэр зэрагъэунэфырэр 1офы.
- Л1ым 1ашэ зыфи1ыгъыр зы такъикъ.
- Л1ым и1о за1о, иш1э заш1э.
- Л1ым ил1ыгъэ заом къыщаш1э.
- Л1ым ил1ыгъэ лэгъунэм* щи1уатэрэп.
- Л1ым ипсауныгъэ шъузым иш1уагъ.
- Л1ым ипсауныгъэ шъузым ы1э илъ.
- Л1ым итеплъэ шъузыр зыфэдэр къегъэлъагъо.
- Л1ымэ анахь дэими ыгу гъогупибл щызэхэк1ы.
- Л1ыр 1эшэнчъэм еорэп.
- Л1ыр зыдащэрэм к1эупч1эрэп.
- Л1ыр зыфаер шъуз псау, шыр зыфаер шыпхъу бай.
- Л1ыр игущы1э епц1ыжьырэп.
- Л1ыр щытэу мал1э.
- Л1ыхъужъым ичатэ уцэкурэп.
- Л1ыхъужъым мысагъэр ештэ, щтапхэм имысагъэ зыгорэм тырелъхьэ.
- Л1ыхъужъыр зыл1эк1э ыц1э къанэ, къэрабгъэр зыл1эк1э сыд къанэрэ?
- Л1ыхъужъыр зыщыбэм тек1оныгъэр къыщыдахы.
- Л1ыхъужъыр зэ мал1э, къэрабгъэр шъэрэ мал1э.
- Л1ыш1ум ахьырэр къыхьыжьын.
- Л1эбланэм къалэ ештэ.
- Л1эгъуабэм к1алэхэр ретэкъухьэх, шъузабэм еугъоижьых.
- Мамырныгъэр – дышъэ 1уашъхь.
- Мамырныгъэр дышъэ къуашъу.
- Мамырныгъэр дышъэ къушъхьэми нахь лъап1.
- Мартым ощхэу, маии ощхымэ уич1ыфэ пш1эжьын.
- Мастэк1э псынэр ет1ы.
- Мастэм тесым фэд.
- Мастэр зыдак1орэм 1уданэр лъэк1о.
- Мастэрэ хьак1устэлрэ зимы1эр бзылъфыгъа?
- Мафэм мафэ къелъфы.
- Мафэм мэлъа1о, чэщым мэтыгъо.
- Мафэу къак1орэм и1оф 1ахь къыздехьы.
- Махъулъэр* дэгъумэ – къан*, дэимэ – щыды. Махъулъэрэ щыдырэ. Мэхъулъэ дэгъу зи1эм къэмэ дэгъу и1.
- Маш1о зыдэщымы1эм гугъу щы1эп.
- Маш1о зык1эмылъ джэныкъорэ*, ц1ыф делэрэ зэфэдэх.
- Маш1о к1эмылъэу псыр къегъажъо (пц1ы еусы зыфи1у).
- Маш1о къызыпхэнахэк1э псынэ умыш1ыжь (гъэсэпэ тхыд).
- Маш1о щымы1эу 1угъо хъурэп.
- Маш1ом пэблагъэу щылъ лыр мажъэ.
- Маш1орэ псырэ пэрэ к1эрэ я1эп.
- Маш1орэ ш1улъэгъуныгъэрэ хэты егъэбылъи?
- Машэр зыт1ырэр машэм ефэжьы.
- Мыджэ-мыпц1эу* къэнагъ.
- Мыжъо закъор къалэ хъурэп.
- Мыжъо къушъхьэм мэщ щаш1эрэп.
- Мыжъо тыкъыр.
- Мыжъо щылъы псы к1эчъырэп.
- Мыжъок1э къыуаорэм къуаек1э еожь.
- Мыжъор уапэк1э удзымэ у1ок1эжьы.
- Мыжъоу ч1ым хэлъыр пхъэ1ашэм ипый.
- Мыжъуит1у зэщыпхъомэ азфагу маш1о къыдэк1ы.
- Мык1орэм еплъи, к1орэм еу.
- Мыл1агъэм джэнэти джьыхьнэми ыш1эрэп.
- Мылыр псым ч1ихьэрэп.
- Мыпсэу – мылажьэм ч1ыгур ипый.
- Мыр сшъхьэ, мыр сипа1о (лъэшэу сыолъэ1у зыфи1у).
- Мыупч1эжьырэр хэукъо.
- Мышъит1у зы бым зэдисрэп.
- Мышъэм лык1э зигъэшхэк1ырэп.
- Мышъэм тыгъужъыр ш1опырац.
- Мыщэ мыщыу.
- Мэзахэр ц1ыф дэим иныбджэгъу.
- Мэзрэ мэзахэрэ уишъэф ащымы1у.
- Мэзыр зыгъэк1ырэм мэзыр риупк1ыжьырэп.
- Мэкъу куахьым мастэ хэзыдзагъэм фэд.
- Мэкъуогъу ужым гум жьы дахьэ.
- Мэкъуогъум унэ ос-хъотыр к1егъэх.
- Мэкъур мак1э зыхъук1э шк1ак1эри шхэрые мэхъу.
- Мэл 1эхъогъум къыщинэрэ шъынэр тыгъужъым ехьы.
- Мэл 1эхъогъур к1одыны зыхъук1э, пчэныр пащэ фэхъу.
- Мэлахъом ыгужъуак1э шэ дэлъ.
- Мэлахъор мэлхэм зэрафэсакъырэм фэд тыгъужъыри ежь мэлахъом къыфэсакъы.
- Мэлишъэ нахьи, ныбджэгъуишъ.
- Мэлишъэм зы мэл щык1эмэ, мэл шъэныкъу.
- Мэлым ык1апэ ш1оонтэгъоп.
- Мэлым ышъо тырахымэ, т1ыр мэк1эзэзы.
- Мэлымрэ тыгъужъымрэ хэты зэригъэш1уи?
- Мэлэхъо дэим имэлхэр цундым ешхы.
- Мэлэхъош1ум нипл1 и1.
- Мэфэш1урэ л1ыш1урэ хэт язэщи?
- Мэхъулъэш1у зи1эм къош1у ыгъотыгъ.
- Мэщ* мыхыгъэр хышхом фэд.
- Набгъэр – нэшъоп.
- Нартхэри ащ фэдизрэ зэхэсыгъэхэп.
- Насып зимы1эм ищыд хьэмэ ашхы.
- Насып о тхьэм къыуитыгъэмэ, къызэримытыгъэр умыушъхьак1у.
- Насыпынчъэ ихьэ мэцакъэ.
- Насыпынчъэр махъшэм тесми хьэр ецакъэ.
- Насыпынчъэ ищыд хьэмэ ашкы.
- Насыпыр 1удэнак1эм фэдэу къаэк1о, пшъэхъунэк1э мэк1ожьы.
- Насыпыр гъогурык1о хьак1.
- Насыпыр загощым хьакощым* исыгъ.
- Насыпыр загощым хьакощым уисыгъа?
- Насыпыр пчэдыжьым агощы.
- Насыпыр уашъом къырак1ыхырэп.
- Натрыфыр зэ упк1эмэ – зышъхь, т1о пк1эмэ – шъхьит1у.
- Нахь лъэшым 1ашэр ий.
- Нахьыбэмэ аш1эрэр хабзэ.
- Нахьыер зымыш1эрэм нахьыш1ур ыш1эрэп.
- Нахьыер зымыш1эрэм нахьыш1ур пш1эщтэп.
- Нахьыжъым гущы1эр ети, нахьык1эм гъогу ет.
- Нахьыжъым к1элъэк1охэ нахь, к1элъыджэхэрэп.
- Нахьыжъыр агъасэрэп, еупч1ыжьых нахь.
- Нахьыжъыр зымылъытэрэм лъытэныгъэ тефэрэп.
- Нашэм пэсхэ пэтзэ нэшэ 1аджи к1эк1одык1ы.
- Непэ бгъэт1ылъырэр неущы къэпшъхьапэжьыщт.
- Непэ блэ ыгу зэок1ы.
- Непэ седжэнышъ, неущы сыджэгун, – ы1уагъ еджэк1о дэгъум.
- Непэ шъэрэ ыгу зэок1ы.
- Непэрэ 1офыр неущы емыгъаж.
- Неущырэ ныбгъу* нахьи непэрэ бзыу.
- Ны зимы1эм мафэ къэс иго1эгъу.
- Ныбджэгу дэи нахьи, бэщ дэгъу.
- Ныбджэгъу делэр нахь щынагъу пый 1ушым нахьи.
- Ныбджэгъу зи1эр къани, мылъкубэ зи1эр хэк1одагъ.
- Ныбджэгъу уи1эмэ, – къош си1эп, – умы1о.
- Ныбджэгъу уимы1энри ущымы1эхэныри зы.
- Ныбджэгъу шъыпкъэр уигъуаджэм къыок1урэр ары.
- Ныбджэгъужъ пыижъ хъужьырэп. Ныбджэгъужърэ гъогужъырэ хэмын – удагъэхытэп
- Ныбджэгъум лъыхъу, пыим ежь укъигъотыщт.
- Ныбджэгъучъэр – насыпынчъ.
- Ныбджэгъуныгъэр – хьадэгъэнчъ.
- Ныбджэгъур мэфаем агъэунэфы.
- Ныбджэгъур унэгу къык1аплъэ, джэгъогъур плъакъо къеплъы.
- Ныбджэгъуш1ур – пытэп1эш1у.
- Ныбжьык1эхэр зэдао, жъыхэр зэджэнджэшых.
- Ныбэ илъырэ хатэ дэлърэ хэты егъэбылъи?
- Ныбэм елъыфэ уик1алэ, пко тесыфэ уип1ур, къызищэк1э уиунэкъощ, зыпхэк1ык1э – чылэгъун.
- Ныбэм измэ – хьалыгъур ц1ынэ.
- Ныбэм имылъымэ гум илъак1оп.
- Ным и1эш1угъэ зымыш1эрэр – насыпынчъ.
- Ным ибыдзыщэ къуаий, хьалыгъум хэль.
- Ным иджэнак1э пхъум ипшъэп1апхъ.
- Ным илъфыгъэ сыдигъуи ш1оц1ык1у.
- Ным илъфыгъэмэ афиш1эрэр ш1омак1.
- Ным илъфыгъэхэр изэфэд.
- Ным исабый нэшъуми нэ псаоу елъэгъу.
- Ным ихьакъ гъэгъугъуае.
- Ным иш1улъэгъу егъэш1эрэ ш1улъэгъу, шъузым иш1улъэгъу – ш1улъэгъу хьаф.
- Ным иш1улъэгъу нахь лъэш щы1эп.
- Ным иш1улъэгъуныгъэ мыжъосыным нахьи нахь пыт.
- Ным иш1улъэгъурэ тыгъэм ифабэрэ Тхьэм сащерэмыгъак1.
- Ным къыуитырэ пстэури 1эш1у.
- Ным къыуитырэм нахь 1эш1у щы1эп.
- Ным нахь лъап1э зи щы1эп.
- Ным ыбгъашъо бзыуцыфым нахьи, нахь шъаб.
- Ным ыбгъашъо шъоуми нахь 1эш1у.
- Ным ыгук1э къыздэгущы1, ным ы1эк1э къысат.
- Ным ыкок1 к1алэм икушъ.
- Ным ылъэгу джэнэтыр ч1эт.
- Ным ыуасэ ны умыхъоу къэпш1эщтэп.
- Нынэп1ос зи1эм тхьэр еуагъ.
- Нынэп1осыр осым нахьи нахь чъы1.
- Ныр зыгъэпыхьэрэм* джыхьнэмыр фагъэплъы.
- Нысаем унэшъуаер унэм рехы.
- Нысэ бзаджэрэ джынэ гъусэрэ Тхьэм сащеухъум.
- Нысэ дэхэ делэ нахьи, нысэ 1эе 1уш.
- Нысэр бзаджэмэ, джэныкъор мэк1уасэ.
- Нысэш1ур пхъум фэд, нысэ бзаджэр благъом фэд.
- Нышъор шъоум фэд.
- Нэ1ур псэм игъундж.
- Нэбгырит1у аш1эрэр шъэфы хъурэп.
- Нэбгырищ аш1эрэр шъэфы хъужьырэп.
- Нэм к1этыр псэм фэд.
- Нэм ылъэгъурэр гум ышъхьап.
- Нэпкъым тесым псы ик1ыгъор еш1э.
- Нэпкъым тетыр къошъофык1э 1аз.
- Нэр делэ, 1эр бланэ.
- Нэф къэмышъэу тыгъэр къыкъок1ырэп.
- Нэшъур тхьак1умаш1у.
- О ептырэр тыгъужъым ышхырэп.
- О къыомык1ун зыми емыш1.
- О къысэо1офэ тихьэ бэдзишъэ ыдырыгъ.
- О убаджэмэ сэ сыбэджак1, о убэджымэ сэ сыбэджэхъ.
- О уздэк1уагъэм сэ сыкъызик1ыжьыгъэр бэш1агъэ.
- О ыпэ рапш1эу зэплъыжьи, ет1анэ зыгорэ мыскъарэ ш1ы.
- Огъум ыхьырэр уаем къехьыжьы.
- Ое ужым цые* ищык1эгъэжьэп.
- Озэщымэ – пщынэ еу, ощынэмэ – гъусэ ш1ы.
- Омрэ ч1ымрэ азфагу ифэрэп.
- Опшъэшъэфэ зэк1эмэ уряныс.
- Оркъыжърэ тыгъужъырэ.
- Оркъыжъырэ тыгъужъырэ Тхьэм серэмыгъэлъэгъу.
- Орэдым гур егъэчэфы.
- Орэдыр ныбжьык1э зэпыт.
- Ос зыщесырэм лъэуж къыфанэ.
- Остыгъэ хэмыгъэнагъэм нэфынэ ыдзырэп.
- Осэпс фабэр мэщ къэгъэк1.
- Осэпсыр темык1ызэ мэкъуоныр егъажь.
- Осэр шъоущыгъу зэхъум, шъоущыгъулъэ агъотыжьыгъэп.
- Ош1ум ыуж уае, уае ыуж ош1у.
- Ош1урэ л1ыш1урэ хэт язэщи?
- Ошъогум щыбыбырэ бгъашхъор зы к1энк1.
- Ошъуапщэ щымы1эу ощх къещхырэп.
- Ощ ымыштэу мэзым мак1о, к1апсэ ымы1ыгъэу мэкъущэ мак1о.
- Ощх зыщещхырэм шыблэр щэгъуагъо.
- Ощынэмэ сипа1о зыщылъ.
- Па1о зыщыгъ пстэури л1эп.
- Па1ом шъхьэ делэри шъхьэ 1ушыри егъэбылъы.
- Панэ фэдэу къаштэ, дышъэм фэдэу гъэт1ылъ.
- Ппи дэмыгъэзый, лъэгук1этыни зымыш1.
- Пк1энт1эпск1э къыгъэхъагъэр зышхырэр насыпыш1у.
- Пкъымрэ псэмрэ зэ1эпык1ыгъуай.
- Плъэк1ыщтмэ – жьыбгъэм к1ахь.
- Псапэу пш1агъэм урымыгущы1эжь.
- Псау хьада, хьадэ шъыпкъа?
- Псаузэ джэнэтыр ыщэфыгъ.
- Псаум бэн фат1ырэп.
- Псаум сымаджэр гуры1ощтэп.
- Псашъо ыщишъ, псы къыримыгъашъоу къыщэжьыгъ.
- Псыжъом маш1ор егъэк1уасэ.
- Псым тхъу тырехы.
- Псым уфал1эмэ 1эш1у, ш1у плъэгъурэр дахэ.
- Псым ухищэнышъ, гъушъэу укъыхищыжьын.
- Псым хэлъ мыжъуит1ури зэутэк1ых.
- Псым хэфагъэр гъушъэу къыхэк1ыжьырэп.
- Псым ытхьалэрэм блэм зырещэк1ы. Псым ытхьалэрэр блэм етхъо
- Псым ытхьалэрэр къурэм етхъо.
- Псым ыхьырэр жьыбгъэм къыхьыжьырэп.
- Псынэм изыпсы нахьи къалыбжьэм изэу псы.
- Псынэр мастэк1э ет1ы.
- Псыр игъук1ымэ пцэжъыер мэк1оды.
- Псыр маш1ом ипый.
- Псыр ощхым ыгъэуц1ынырэп.
- Псыр псэ пылъхьажь.
- Псырэ маш1орэ зэрэш1э.
- Псыхъо пстэуми псы ик1ыгъо я1эп. Те1 зэк1э зыфи1орэ гущы1эр?
- Псыхъом 1усым псы ик1ып1эр еш1э.
- Псыхъоу зыхьырэм псы хегъахъо.
- Псыхъуаблэ зэхэлъэдэжьмэ, хы мэхъужьы.
- Псычэтым есык1э рагъаш1эрэп.
- Псычэтыр псым ыгъэпшъырэп.
- Псычэтыр псым ытхьалэрэп, мэлэхъо хьэр тыгъужъым ыхьырэп.
- Псэ зыпытэу мыщынэрэ щы1эп.
- Псэ зыхэмылъыр псэхал1э хъурэп.
- Псэ пэтыфэ псапэ ш1э.
- Псэм фабэ ик1ас.
- Псэпишъэ зыш1агъэр джыхьынэмым ихьагъ.
- Псэр 1эш1уми, игъом л1эрэр насыпыш1у.
- Псэр атышъ, напэр ащэфы.
- Псэр игъук1ымэ – пцэжъыер мэк1оды.
- Псэр хьафэу атырэп.
- Пхъащэ к1орэм ишъуз аштэжьырэп.
- Пхъунчъэ – хьэдэгъэнчъэ.
- Пхъэ мыстырэ лы мыжъорэ щы1эп.
- Пхъэ1ушк1эными щэ къегъажъо.
- Пхъэ1эшапэм дышъэ пылъ.
- Пц1ишъэ нахьи зы шъыпкъ.
- Пц1ы 1эш1у нахьи шъыпкъэ дыдж.
- Пц1ы дахэ щы1эп.
- Пц1ы зыусэу есагъэр ук1ытэжьырэп.
- Пц1ы зыщыуусыгъэм бэрэ ущымыс.
- Пц1ы ымыусмэ – чъыерэп.
- Пц1ы ымыусымэ – мэзэщы.
- Пц1ы ымыусымэ ыбзэгу мэхъу.
- Пц1ыгъушъ – а1о нахь, пц1ы ц1ын, – а1орэп.
- Пц1ым лъэкъуабэ к1эт.
- Пц1ым ц1ыфыбэ ек1одыл1э.
- Пц1ыусит1ур зэшы.
- Пц1ыусым шъыпкъэ закъоу къы1орэри мэк1оды.
- Пц1ыусым шъыпкъэ щымы1эжьэу къыщэхъу.
- Пц1ыусым, – узгъапц1эрэп, – ы1озэ пц1ы къпфеусы.
- Пц1ыусыр ц1ыфмэ алъытэрэп.
- Пц1ыусыр ц1ыфхэм къахэщы.
- Пцэ мэузым фэдэу гущы1э, унэ мэузым фэдэу плъэ, плъакъо мэузым фэдэу к1о.
- Пцэжъыер есык1эм фагъаса?
- Пцэжъыер псы закъок1э щы1эщтыгъэмэ пцэкъэнтфым пыфэныя.
- Пцэжъыер псым етхьала?
- Пчэн къуир псым хаплъишъ, – «Джыри сибжъэхэр къыхэк1ыгъэхэп», – ы1уагъ.
- Пчэныбэ пхъуны нахьи мэлыбэ хъу.
- Пчэным жак1э тет, жак1э зытет пстэури – л1эп.
- Пчэным шъынэк1э ущымыгугъ, мэлым – пчэнк1э.
- Пчэныр ешъуишъ, тыгъужъым езэонэу к1уагъэ.
- Пштэн зыпш1эк1э, птыжьынэуи зэгъаш1э.
- Пшъашъэ зи1эм иунашъхьэ дахэ.
- Пшъашъэ къапщэмэ, зэребгъас, пхъужъ къапщэмэ зэресагъ.
- Пшъашъэ уухъумэнымрэ, гъажъо* ухъумэнымрэ зы.
- Пшъашъэр апчым фэд.
- Пшъашъэр зэк1э дэгъухэмэ, шъуз дэйхэр тыдэ къик1ыхэра?
- Пшъхьэ п1э игъэлъ, угу илъыр умы1уатэ.
- Пшъэшъэ зищыпадэрэ, ныожъ мыдэжьышъурэ.
- Пшъэшъэ хъупхъэм псэлъыхъор ихъой.
- Пшэсэным ылъапсэ къимычэу бгъэк1одышъущтэп.
- Пщыл1 1ашэм пщэр щэщтэ.
- Пщым ык1ыби бжым щаш1ы.
- Пщышхор гъусэ имы1эу мэзек1омэ – л1эхъусэжъ*.
- Пщэр апэу зылъэгъурэм тхьэу къыщэхъу.
- Пщэрыр одым ехъуапсэ, одыр пщэрым ехъуапсэ.
- Пыим ушъхьасымэ у1агъэ ухъун.
- Пыим ылъ зымыгъачъэрэр фэмыф.
- Пыим ылъ зымыгъычъэрэр къэрабгъ.
- Пыир гъотыгъош1у, благъэр гъотыгъуае.
- Пыир уук1ымэ, уиунэ къэбгъэзэжьын.
- Пыиш1урэ зэош1урэ хъурэп.
- Пырамыбжьэм къыдэчъыхэрэри пырамыбжь. Пырамыбжьэр мэшъхьалъэ, шъхьадж илъэпкъ еожьы
- Пытэм янэ гъырэп.
- Пэк1э псы ешъо.
- П1оныр 1огъош1у, пш1эныр ш1эгъуае.
- П1орэр зыщымыхъурэм пш1эрэр щыхъущтэп.
- П1у имылъхьэгъэ шхыныр умыубы.
- П1ур къэзыхьырэр нахьыш1ум щэгугъы.
- П1э дагъэмэ пшъхьэ щыфэжь.
- П1э илъым нахьи п1у илъэыр нахьыш1у.
- П1эшъхьит1у къамылэжьыгъэр хьэрам.
- Раупк1ыгъ шъхьай аупсыжьыгъэп.
- Раупк1ыгъэ чъыгым бзыумэ орэд къыща1ожьырэп.
- Сабый зыдэщысым уишъэф щымы1уат.
- Сабый зэрымысым насып илъэп.
- Сабыим бэрэ уебэумэ шъуагъо мэхъу.
- Сабыим мышъыпкъэ ы1орэп.
- Сабыим насыпыр къыдак1о.
- Сабыир мыгъэу бгъэм к1алъхьэрэп.
- Саусэрыкъо и1ушыгъ, Шэбатныкъо ил1ыгъ.
- «Сихьэ цакъэрэп, сиш шъутырэрэп, сик1алэ бзаджэрэп», – умы1о.
- Синысэ есэ1о, сит1уанэ* гурэ1о.
- Сихьэрэ сикъорэ зэрэшхы, сэ сшхын згъотырэп.
- Си1оф сыухымэ – сянэ згъэежьын.
- Си1оф сыухымэ сянэ згъэежьын зы1уагъэм фэд.
- Слъы къешъо (лъэшэу къысфэдэй).
- Сомишъэ нахьи зы ныбджэгъу.
- Сомэр чапыч зырызэу зэхэлъ.
- Сурэт тхыгъэм фэд.
- Сыбзэгу 1эш1у къытенэжьыгъэп.
- Сыгу илъыр къаш1и, с1эгу ч1элъыр остын.
- Сыгу илъыр къаш1и, сиджыбэ илъыр остын.
- Сыгу тхъу къыщифагъ.
- Сыгу цапэк1э с1ыгъ.
- Сыд фэдэ 1офи чэзыу и1.
- Сыдрэ узи 1эзэгъу и1, зимы1ахэр хьадэгъур ары.
- Сыдэужъунтхаемэ напцэм хафэ, сеужъунтхэхымэ, жак1эм хафэ.
- Сызиджэгъон ныбджэгъунчъэу къэрэн.
- Сымаджэм шъоури ш1одыдж.
- Сымаджэрэ сэбыйрэ зэфэдэ.
- Сыплъэн с1озэ, сынэ дагъэ къытенэжьыгъэп.
- Сыщэ1эфэ сщыгъупшэнэп.
- Сэ бзаджэ къэсэрэлъфи, о делэ къэорэлъф.
- Сэбахьым*улъэпаомэ – мэфэ реным олъэпао.
- Сэмэркъэу дахэм ц1ыфхэр зэхещэ.
- Сэмэркъэу делэм лит1у зэрегъэзао.
- Сэмэркъэу зымыш1эрэм сэмэркъэу дэмыш1.
- Сэщ нахьыш1у умыгъотмэ – сыкъэштэжь.
- Сянэ ип1э сыхэлъын нахьи, сигуащэ ип1эк1ор ч1эгъы сыч1эрэлъ.
- С1орэр ш1э, сш1эрэм уемыплъ.
- Тракторым ущыгугъэу шыр ч1эмыдзыжь.
- Тутынэшъо пстэури зэфэдэ.
- Тхылъып1эм тетхагъэр ощк1э иуупк1ыжьышъущтэп.
- Тхьагъэлыдж* кон рихьэ рык1.
- Тхьагъэпц1ыр пц1ык1э 1азэ.
- Тхьалъэ1ук1э зымыш1эрэм ышъхьэ бгыбзэк1э ешхыжьы.
- Тхьамык1э пстэури зэшы, щыд пстэури пэфы.
- Тхьамык1эм лы ыгъотымэ, псы ыгъотыжьырэп.
- Тхьамык1эм ы1ашъхьэ баим и1эдэ-уад.
- Тхьамык1эр анахь к1ал.
- Тхьамык1эр мылъкум к1энэц1ы, сымаджэр псаум ехъуапсэ.
- Тхьамык1агъом зыщыухъум, къызык1уахэк1э зыгъэпыт.
- Тхьамык1эмк1э пчэныри чэмы.
- Тхьэм ы1уагъэр хъун.
- Тхьэм ынэ1у фигъэзэжьыгъ.
- Тхьэшхо 1ошхо иджагъу.
- Тхьэми ц1ыфыми ч1анэжьыгъ.
- Тыгъу ц1ык1ук1э къемыжьэгъэ тыгъу щы1эп.
- Тыгъуагъэм ышъхьэ къурэ телъ.
- Тыгъуак1ом благъэ и1эп.
- Тыгъуасэ бгъэпц1агъэм непэ еп1орэр ыш1ош1 хъурэп.
- Тыгъужъым мэл зыш1уихьыщтыр ипа1ок1э къеш1э.
- Тыгъужъым мэлыр ыхьы зыхъук1э, тамыгъэу телъым еплъырэп.
- Тыгъужъым ынэ чъыеми, ыгу чъыерэп.
- Тыгъужъым ык1э пыоупк1ы пай хьэ хъурэп.
- Тыгъужъым ышхыгъи ымышхыгъи тыралъхьэ… Ыныбэ илъ
- Тыгъужъыр мэлахъо аш1ыгъ.
- Тыгъужъыр шъынэ хъуна? Тыгъужъит1у ак1ыб зэфагъазэрэп
- Тыгъужъыри игъунэгъу етыгъожъырэп.
- Тыгъужъышъхьэр тыгъужъымэ ашхырэп.
- Тыгъушхор тыгъу ц1ык1ук1э къежьэ.
- Тыгъэнэпс нахьи, ны бгъашъо.
- Тыгъэми тыркъо телъ. Мазэми тыркъо телъ. Тыгъэми бжьыгъэ тыралъагъо.
- Тыгъэр къыкъок1ымэ, осэпсыр тек1ыжьы.
- Тыгъэр ш1уми бзаджэми атепсэ.
- Тыдэ укъик1и лажь?
- Тышыпхъум псыхъуибл къызэпичыщт.
- Тэ укъэк1и лажь, хэт мыгъор къыуаджи?
- Тэтэрконыр* мэлъатэ, хыем ылъ еш1эжьы.
- Тятит1ур зэмышми тянит1ур зэшыпхъуба?
- Уапашъхьэ къыпщытхъурэм уак1ыбы ущеубы.
- Уапэ умыплъэу, лъэубэкъу умыдзы.
- Уахътэр дышъэми нахь лъап1.
- Убгъэ к1элъ шъузыр умыубы, зыгорэм ыбгъэ к1элъ шъузым ущымытхъу.
- Угу илъыр – унэ к1эт.
- Угубжыгъэ пай уиакъыл къыч1эмын.
- Уделэмэ узгъэделэн пай укъэнэнэп.
- Удэмыхымэ чыжьэу ук1он.
- Удэплъыемэ уашъо, укъеплъыхымэ ч1ыгу.
- Уегугъоу ужъомэ – гъэбэжъу бгъотын.
- Уеджэным к1асэ и1эп.
- Уемыгупшысэу угущы1эныри, темыгъэпсыхьэу уоныри т1ури зы.
- Уемызэщ, умыщын – л1ы ухъун.
- Узаорэр къыоожьы.
- Узатэрэр къыотэжьы.
- Уздэхьащхырэр къыбдэхьащхыжьы, узыщытхъурэр къыпщэтхъужьы.
- Узигъусэм ышъок1э къыоплъых.
- Узиджагъом бжъакъо птетэу уелъэгъу. Узиджагъом пшъхьэ матэу елъэгъу
- Узиджагъор плъакъо къеплъы, узик1асэр унэгу къык1аплъэ.
- Узимыгугъум уигугъу емы1у.
- Узыгъэгъырэм урик1ас, узыгъэщхырэм уриджагъу.
- Узыгъэт1ысырэм уиубыжьырэп.
- Узылъэгъу мыхъурэм пшъхьэ ш1огъум.
- Узылъэгъу мыхъурэм ш1омык1ым фэдэу уш1ош1уц1.
- Узым гупсэ и1эп.
- Узымы1этыщт къутамэм утемыуцу.
- Узымылъытэрэм иунэ умык1у.
- Узыр къэк1огъош1у, к1ожьыгъуае нахь.
- Узыр ощынэк1э къак1о, мэстанэк1э мэк1ожьы.
- Узытес къутамэр гомыупк1ыжь.
- Узыук1ырэр уипый, уч1эзылъхьажьырэр – уишъэогъу.
- Узыфыримыкъущтым уемыбэн.
- Узышхом гугъушхо къыхэк1ы.
- Узыщагъэтэджыжьыщтым умыт1ыс.
- Узыщамыш1эрэм – щыгъын, узыщаш1эрэм акъыл.
- Узыщаш1эрэм хьак1ак1о умык1у.
- Узыщыщым уимылъытэмэ, чылэмэ уалъытэхэнэп.
- Узэзэщырэм 1эш1у к1элъыжьэп. Узыщаш1эжьырэм бэрэ умык1у
- Узэлъэ1урэр къэгъани, къыолъэ1урэр къащэ.
- Узэмыжэрэм шхъо* къыкъок1ы.
- Узэупч1ыжьын умыгъотмэ уипа1о гъэт1ыси еупч1ыжь.
- Узэупч1ыжьын щымы1эмэ уипа1о пчэгъум пылъэри еупч1ыжь.
- Узэшъожьыщт псым хьэ хэмыук1ахь.
- Уи1оф зыхэмылъым уибэлагъ хэмыс.
- Уи1оф фетэу* емыт.
- Уигуащэ гъаш1о, уянэ ш1у лъэгъу.
- Уигуащэ гъаш1о, уянэ ш1у лъэгъу.
- Уигъунэгъу ышъо къыптео.
- Уигъунэгъуи умыубы, уиблэгъак1и ущымытхъу.
- Уигъусэ ущыгугъоу умыбэлэрэгъ.
- Уиделэ хьэк1ап1э умыгъак1о.
- Уизэкъон нахьи 1эл къыбдес.
- Уик1алэ зэребгъас, уил1 зэресагъ.
- Уик1алэ ш1у зылъэгъурэм пшъхьи елъэгъу.
- Уик1э зэребгъас, уижъ зэресагъ.
- Уик1энк1э зытыгъурэм уичэти ытыгъущт.
- Уикъиныгъом бгъотырэр уиныбджэгъу.
- Уил1 пк1эылъэныкъо ш1огъэбылъ.
- Уил1 ышъхьэшыгу имыхъу, уимахъулъэ ущымыхъу.
- Уил1акъо уемыплъэу уичатэ къимых.
- Уилъахъэ зытыгъурэм уиши ытыгъун.
- Уилэгъу зыхэмытыдзэм ухэзэщыхьэ.
- Уилэжьак1э фэд уилэжьыгъи.
- Уимы1он умы1о, зып1уахэк1э, ук1эмыгъожь.
- Уимы1оф зэмыф, уи1оф зэхэф.
- Уимы1офы уибэлагъэ хэмыс.
- Уимы1офы ухэмыхь.
- Уимыбылым былымы пфэхъурэп.
- Уимык1, уимыс, уисэу сыкъимыгъэхьажь.
- Уимылъф гъаш1о, уилъфыгъэ ш1у лъэгъу.
- Уинасып чъыг рапхыгъэп.
- Уинк1э пк1э и1эп, шъхьэ уимы1эмэ.
- Уиныбджэгъу уигъундж.
- Уинысэ угу ебгъэмэ ппуипхъу ец1ац1.
- Уинэ1осэ джынэр, уимынэ1осэ мэла1ичым нахьи нахьыш1у.
- Уипхъу л1ы ептыгъэмэ умыгъ къырагъэк1ыжьыгъэмэ гъы нахь.
- Уипщынэуак1э сикъеш1ак1. Сикъэшъук1э
- Уипщыпхъу гъаш1о, уил1 ш1у лъэгъу.
- Уипый къыпфыч1этахьы.
- Уитехъон еплъи, плъакъо ушху.
- Уиуз умыгъае, уипсауныгъэ урымыпагъ.
- Уиунэ зыщыгъаси, хасэм к1о.
- Уихьак1э гъаш1о, пкъош ш1у лъэгъу.
- Уихьэ баджэ къыубытыгъа?
- Уихьэрэ уишырэ шыхьат уафэмыхъу.
- Уихэгъэгу уян, уимыхэгъэгу нынэп1ос.
- Уичэц1 сичэу къемыпх.
- Уищык1эгъэ мыжъор онтэгъоп.
- Ук1одымэ сык1одын, укъанэмэ сыкъэнэн.
- Ук1ытэ зи1эр хьэм ыпашъхьи мэук1ытэ.
- Ук1ытэ зимы1эм ц1ыфыгъэ и1эп.
- Ук1ытэм ц1ыфыр къегъэдахэ.
- Ук1ытэм ыч1эгъы дышъэ ч1элъ.
- Ук1ытэр щы1эныгъэм нахьи нахь лъэш.
- Укъызэмыплъэк1эу гущы1э умы1о.
- Ул1эными л1ыгъэ хэлъ.
- Ул1эу ущы1эн нахьи, ушхэк1ыгъэу ул1эмэ нахьыш1у.
- Улажьэмэ 1ахьынчъэ ухъунэп.
- Улъэ1онрэ у1оинрэ зэфэдэ.
- Умыгъэцэк1эщт 1офым уфемыжь, умыухыщт 1офыри умыублэ.
- Умыл1эжьымэ щыд плъыжь плъэгъун.
- Умыл1эжьыхэмэ – шыу плъыжь плъэгъун.
- Умыл1эжьыхэмэ чэт п1ашъэ плъэгъун.
- Умыл1эжьыхэмэ чэтыу хьаджэ плъэгъун.
- Умыт1упщыжьыщт шъузыр умыубы.
- Умылажьэмэ лажьэ плъэгъун, улажьэмэ лыжъ пшхын.
- Умыш1эрэ л1ым нахьи пш1эрэ к1алэр нахьыш1у.
- Умыш1эрэм урымыгущы1, п1уагъэм урык1эмыгъожь.
- Умыш1эрэм утемыгущы1.
- Умыш1эрэмэ – умы1о.
- Умыш1эшъущтыр умы1о, къэмы1этышъущтыр къэмы1эт.
- Унагъо умыхъоу чылагъо ухъущтэп.
- Унагъом хъулъфыгъэ исмэ – унагъор пытап1э ис.
- Уныбэ къик1ыгъэр уик1алэ, уилъэой къехыгъэр уичэты.
- Унэ имы1эу пчъэ лъэхъу.
- Унэ к1оц1ым насып щыуимы1эмэ, унэ к1ыбыми щыуи1эхэнэп.
- Унэ къе1орэм ыпсэ е1эжь.
- Унэ нэк1ыр – зы шэщ.
- Унэгъо ныбжьык1э хьак1э ик1ас.
- Унэгъу нэк1эу изы зыщымыш1ышъущтым умык1у.
- Унэм щамыгъэсагъэр хасэм* фэгъасэрэп.
- Унэр зыгъэдахэрэр пшъашъэ, унэр зыгъэбэрэчэтырэр бысым*.
- Унэр зэраш1ырэ ощыр унэ к1ыбым дадзэжьырэп.
- Упхыжьырэр угужьын.
- Упч1эжьырэр л1ырылъфы, мыупч1эжьырэр – хьэрылъфы.
- Уубыгъэ ц1ыфым ущымытхъужь. Ущымытхъущ, пфэубыжьытэп
- Уупк1эмэ мэкъу, умыупк1эмэ – къурэ.
- Уупч1эным мыхъун хэлъэп.
- Ухьакъу зэпытмэ хьэ ухъун.
- Ухьакъуными къиныгъо хэлъ.
- Уц гъэк1ыгъэм псыцур щэтхъэжьы, хьадэ зыдэщы1эм ефэндыр щэтхъэжьы.
- Уц1ыфымэ гу фабэрэ жэ шъабэрэ зигъа1.
- Уц1ыфымэ ц1ыфыгъэ пхэрэлъ.
- Уц1ыфыныр – къин.
- Уцыр къызыщык1ырэм щэгъужьы.
- Ук1ытэр – к1оч1эшху.
- Ущы1эмэ – пшхыни бгъотын.
- Ущы1эмэ чэт п1ашъи* плъэгъун.
- Ущысмэ укъэзымылъэгъурэм ущытыми укъилъэгъущтэпышъ укъэмытэдж.
- Уянэ к1ыгъур уят, уятэ к1ыгъур уян.
- Уянэ къымылъфыгъэр пшэп, пшы къымыщагъэр уинысэп.
- Уятэ зыук1ыгъэми ныбэк1э уемыгуау. Уянэ зыдэщымы1э хьадэ1ус умык1у
- Уятэ игъогужъырэ уянэ иблэгъэжърэ хэмынэжь.
- Уятэ ич1ып1э гъэдахэ, уянэ дахэу дэгущы1.
- Уятэ сыук1ыгъэп, хьэджэ ук1ыгъэ стелъэп.
- Фарэр* зи1эдэжьыр зек1ол1.
- Фэгъэунэшк1уи ыжи дэлъхьажь.
- Фэкъол1ыр гухэлъишъэ и1эу мэл1эжьы.
- Фэмыфым имафэ к1ыхьэ.
- Фэмыфым ыгъэт1ысырэ чъыгыр мэгъу.
- Хабзэ зэрымылъ къэралыр зэрапхъо, хабзэ зэрымылъ унагъор мэунэхъу.
- Хабзэр бзыпхъэ.
- Хабзэр зэхалъхьэрэп, гъаш1эм къыхэк1ы.
- Холерэым 1эзэгъу и1, шъуз дэим 1эзэгъу и1ахэп.
- Холерэыми 1эзэгъу и1, зимы1ахэр – делагъ.
- Хъулъфыгъэ зэрымыс унагъом щынагъо илъэп.
- Хым къызхидзыжьыгъ.
- Хымахьэр къак1уи, унахьэр рифыгъ.
- Хыри тк1опс-тк1опсэу зэхэт.
- Хьагъушъугъур – насыпынчъ.
- Хьадэгъум зэк1э зэфэдэ еш1ыжьы.
- Хьадэгъум к1апсэр егъэщы.
- Хьажъур зып1ущтыми ехьы, зымып1ущтми ехьы.
- Хьайнапэр л1эныгъэм нахьи нахь дэй.
- Хьайуанэми* дахэр еш1э.
- Хьак1э лые хъурэп.
- Хьак1эм икъэк1он ежь и1оф, ик1ожьын бысымым и1оф.
- Хьак1эм инасып 1ахь къыдак1о.
- Хьак1эр апэрэ чэщым дышъэ, ят1онэрэм – тыжьын, ящэнэрэм – гъуаплъэ, япл1энэрэм нэпэнчъэ.
- Хьак1эр бысымым игъэр.
- Хьак1эр гъаш1о, ц1ыфыш1ур лъытэ.
- Хьак1эр мэлым нахьи 1ас.
- Хьак1эр чэщ – мэфищэ щысымэ унагъом щыщы мэхъужьы.
- Хьак1эр шхахэмэ пчъэм еплъы.
- Хьак1эу рагъэблагъэр рафыжьырэп.
- Хьакъурэ пстэуми мыжъуак1эк1э уяомэ, нибжьи мыжъо урикъунэп.
- Хьакъурэ пстэури цакъэрэп.
- Хьант1аркъор зянэми «сянэ гуашэ» е1о.
- Хьант1аркъор псым ытхьалэрэп.
- Хьыкумым ущымыщын, хьыкумыш1ым щыщын.
- Хьыкумыр занк1э шъхьай, хьыкумыш1ыр – къуанчэ.
- Хьыкумыр купэгъум.
- Хьыкумэтым уч1ахьэмэ, уиджыбэ п1э илъхь.
- Хьэ 1ухыжьыгъом гъаблэ хъурэп.
- Хьэ къэбзэш1у ащ иунэ щышхэнэп.
- Хьэ пэтзэ икъуаджэ ыбгынэрэп.
- Хьэ хые умыук1ы, шъуз хые имыгъэк1ыжь.
- Хьэ шъэфрытхъор уак1ыбк1э къыоцакъэ.
- Хьэдагъэ зыдэтым джэгу щаш1ырэп.
- Хьэк1ап1эр ш1уми, уиунэ нахьыш1ужь.
- Хьэлъакъо ышхыгъ ащ.
- Хьэм ебгъэшхырэр к1одырэп.
- Хьэм ежьыри ышхыгъэп, къоми ригъэшхыгъэп. Хьэ фэмышк къо ригъэшхырэп
- Хьэм ептырэр и1ус.
- Хьэм илажьэ къом тырелъхьэ.
- Хьэм къупшъхьэк1э уеомэ ыл узырэп.
- Хьэм уеомэ, нахь лъэшэу мэхьакъу.
- Хьэм фэдэу улэжьэн, пщым фэду ушхэжьын.
- Хьэм цуакъэ щалъэрэп. Хьэм цуакъэ щыплъэмэ зыщетхъыжьы
- Хьэм щынэрэр ынэхэмк1э къеш1э.
- Хьэм ыбзэгу фышхъо, чэтыум ыбзэгу шхъухьэ.
- Хьэм ык1э утеуцомэ къыоцакъэ.
- Хьэм, – гъэм сыщы1эмэ мэщ сш1эн, – ы1уагъ.
- Хьэм, – къэк1орэ гъэм сыщы1эмэ мэщ сш1эн, – е1о.
- Хьэм, – сыпсаумэ гъэм мэщ сш1эн, – ы1уагъ.
- Хьэми дахэр еш1э.
- Хьэми ищырхэр еп1ух.
- Хьэми хьажъур цапэк1э къырихьак1ызэ еп1у.
- Хьэр аук1ынэу ащэми мэцакъэ.
- Хьэр зыук1ырэм дещыжьы.
- Хьэр игъолъып1э ик1ымэ, тыгъужъым ехьы.
- Хьэр ик1ымэ, ык1э дахэ.
- Хьэр мэлак1э л1эмэ тыгъужъым фэдэу мэбыу.
- Хьэр хьашхъурэ1у зыхъук1э зыеми ецэкъэжьы.
- Хэгърэй дэир дэк1отэ к1ахь.
- Хэгъэгу къэк1уахьи, уиунэ къихьажь.
- Хэгъэгу щынэжьымрэ шъуз щынэжьымрэ зэфэдэ.
- Хэку зимы1эм тыди щычъы1эу къыщэхъу.
- Хэмылъхьэ къыхэпхыжьырэп.
- Хэмыукъорэ щы1эп.
- Хэт нахь бай за1ом, – мастэм «Сэ санахь бай», – ы1уагъ.
- Хэти фэш1у мэхъу.
- Хэты хъышъэ къелыжьыгъ.
- Хэты щыбзэк1э псы къехьи?
- Хэты ышъхьэ анахь дах? – за1ом, хьадэпчэмы1ум ышъхьэ къыригъэщыгъ.
- Цацэк1э тхъу агъажъэрэп.
- Цацэм тхъу пызагъэрэп.
- Цу зимы1эм чэмыр к1еш1э.
- Цу къолэнишъэк1э жъо.
- Цу л1агъэм сэ хэзысагъэм фэд.
- Цу хъущтыр шк1эзэ къаш1э.
- Цуит1у ахъун уц къыгъэк1ыщтэп.
- Цум бжьыр* зырахьыл1эм, – сэ сычэм, – ы1уагъ, щалъэр зырахьыл1эм, – сэ сыцу, – ы1уагъ.
- Цум ыбжъэ ш1охьылъэп.
- Цур къызэраубытырэр ыбжъакъу, ц1ыфыр – ыбзэгу.
- Цур л1эмэ, хьэмэ ямэфэк1.
- Цури лъэшы, къаубытышъ к1аш1э нахь.
- Цыгъо нэепсыр* щэм етхьалэ.
- Цыгъо нэепсыр щэм ытхьэлагъ.
- Цыгъоми к1ымафэм зыфегъэхьазэры.
- Цыгъомк1э чэтыур къэплъан*.
- Цыгъор гъуанэм имык1ышъу зэхъум, ык1э къэбжъые пиш1агъ.
- Цыгъори ибы щылъэш.
- Цыхьаным п1эдакъэ ебгъэлъэгъумэ, п1апэ печы.
- Цэр бэрэ узымэ – 1уачы.
- Ц1ык1у шъхьай пытэ, ины шъхьай, нэк1ы.
- Ц1ыф дэим пк1э къыуубытымэ, пыупк1и ч1эдз.
- Ц1ыф дэим удыщы1эн нахьи, ц1ыфыш1ум удал1.
- Ц1ыф дэир уипащэмэ ш1оим ухищэн. Пащэр дэимэ саем ухещэ
- Ц1ыф мыгъо пп1уным нахьи, хьэш1у пп1умэ нахьыш1у.
- Ц1ыф псынк1э хы хъырзэм фэд.
- Ц1ыф шъугъуалэр пый шъэф.
- Ц1ыф шъхьахынэр псыцум фэд.
- Ц1ыфмэ ахэмыхьагъэмрэ къамылъфыгъэмрэ зэфэдэ.
- Ц1ыфхэм ашъо зэрэзэфэмыдэм фэд, агухэри зэфэдэп.
- Ц1ыфхэм къамыш1эн шъэф щы1эп.
- Ц1ыфхэм ш1у афэзыш1эрэр ш1у алъэгъу.
- Ц1ыфы хъущтым ц1ык1узэ къызыдештэ.
- Ц1ыфыгъэ зи1эми пый и1.
- Ц1ыфыгъэ зыщыплъэгъурэм щыгъуцэ игъэт1ысхь. Уц лъапсэ къызэрыпчырэм щыгъуцэ игъэ1ыст
- Ц1ыфым ежь ыц1э зыфеш1ыжьы.
- Ц1ыфым идагъо зыдиш1эжьырэп.
- Ц1ыфым илэжьыгъэр игъундж.
- Ц1ыфым к1оч1э лыеу хэлъыр иакъыл.
- Ц1ыфыми хьашхъурэ1у къахэк1ы.
- Ц1ыфыр гугъэм щегъа1э.
- Ц1ыфыр зыгъэдахэрэр и1офш1агъ.
- Ц1ыфыр зыгъэдахэрэр иакъыл.
- Ц1ыфыр зыгъэдахэрэр ишэн.
- Ц1ыфыр къызэраш1эжьырэр ыжак1эп, иакъыл нахь.
- Ц1ыфыр л1эмэ ыц1э къанэ, цур л1эмэ – ышъо къанэ.
- Ц1ыфыр т1о къэхъурэп.
- Ц1ыфыр щэ1эфэ гугъэр щы1эт.
- Ц1ыфыр щэ1эфэ иш1уагъэ аш1эрэп.
- Ц1ыфыр щэ1эфэ мэгугъэ.
- Ц1ыфыш1у хьак1э щык1эрэп.
- Ц1ыфыш1ур гъэпц1эгъош1у.
- Ц1ыфэу нэмык1хэр зылъытэрэм ежь зелъытэжьы.
- Чапычыр зыш1омыбылымыр чапыч ыуасэп.
- Чъыг гъугъэм къутамэ къыгок1эжьырэп.
- Чъыг закъо мэзы хъурэп.
- Чъыг закъор жьым щэщынэ.
- Чъыг закъоу шъофым итми мэзым зыфещэи.
- Чъыг лъапсэр иуупк1ымэ чъыгыр мэгъу.
- Чъыг шхьапэр пыоупк1ы пай чъыгыр гъурэп.
- Чъыгык1эр щытэу чъыгыжъыр ебэджы.
- Чъыгым къыпык1ырэр ыуас.
- Чъыем тхъу тырехы.
- Чъыемрэ гугъэмрэ атэ к1эныжь.
- Чъыягъэрэ л1агъэрэ зэфэдэ.
- Чъэпым ч1ышъхьашъор ымыуп1ыц1эу, ос къесырэп.
- Чыбэ зэхэтмэ – мэзы мэхъу.
- Чыжьэу маплъэ, благъэу мэт1ысы.
- Чылэ делэ хъурэп, делэми 1уш къахэк1эу мэхъу.
- Чылэ хьэмэ зиш афэзыук1ыгъэм фэд.
- Чылэмэ аш1эрэр адэзымыш1эрэм щыдышъхьэ ш1от.
- Чылэр егъасэ, бадзэр есэк1ы.
- Чыр ц1ынэзэ къауфэ, к1алэр ц1ык1узэ агъасэ.
- Чэм зэуалэ (пыджалэ) ыбжъэ ш1эхэу зэпэк1ы.
- Чэм зимы1эм шк1эр ещы.
- Чэм лъакъо шк1э ыук1ырэп.
- Чэм пыджалэ бжъэкъончъэу къанэ.
- Чэм щымы1эу шк1ылъэ аш1ырэп.
- Чэмырэ цурэ зэфэтэджы.
- Чэмым ищэ ыбзэгу телъ.
- Чэтжъыем чэтыр егъэсэжьы.
- Чэтжъые чъэчъалэ псыжъо хао.
- Чэтмэ атакъэр ятхьэмат.
- Чэтыжъыер зытыгъурэм чэтыри ытыгъущт.
- Чэтыл1эм дихьыгъэ псычэтым фэд.
- Чэтым ишкъун ипчыхьып1.
- Чэтым к1энк1э ык1уач1.
- Чэтым лъабжъэк1э зэраук1ыщтыр къыч1еупхъык1ы.
- Чэтым щыгъу зэримыш1.
- Чэтыр атакъэм фэдэу 1омэ – ш1оп.
- Чэтыр зыщыкъакъэрэм къакъэ щы1.
- Чэтыр зыщыкъакъэрэм щэк1эц1ы.
- Чэтыр псы ешъомэ, уашъом дэплъые.
- Чэтыу зэрымысым цыгъор щэджэгу.
- Чэтыу хьаджэ зеш1ы.
- Чэтыу хьафизэ зыкъысфеш1ы.
- Чэтыу шыихъ хъурэп.
- Чэтыу щысэу пшысэ умы1уатэ.
- Чэтыужъыри ихэкужъы щыгъуащэрэп.
- Чэтыум игуш1огъу цыгъом ихьадагъ.
- Чэтыум ыкъо цыгъуаш.
- Чэтыуми пак1э тетба.
- Чэтыур – гъунэгъуак1о.
- Чэтыур лым нэмысы зэхъум «Шъумэ щэу» ы1уагъ.
- Чэтэ ч1эгъым «нан» щымы1ожь.
- Чэтэ ч1эгъыми шъыпкъэр щы1у.
- Чэц1ым шъынэ къылъфырэп, мэлым чэц1 къылъфырэп.
- Чэщ дал1э, мафэ дэхъужьы.
- Чэщ зыщыхъурэм щэчъые.
- Чэщ мэзахэр тыгъуак1ом ян.
- Чэщ ш1унк1ым мэфэ нэф къылъэк1о.
- Чэщым мазэм ыч1ып1э тыгъэр къепсырэп.
- Чэщым пк1ашъэри мэда1о.
- Чэщым плъэгъугъэ пшъашъэм мафэу зэ еплъыжь.
- Чэщыр ш1унк1ымэ – жъуагъохэр нахь лъэшэу мэш1эты.
- Ч1ы ш1уц1эм ч1амылъхьажьын щы1эп.
- Ч1ыгум нахь бай зи щы1эп.
- Ч1ыгур игъом зыжъоу, игъом езыутырэм исомэ мэбагъо.
- Ч1ылъэм зылъэ темыт нартыр к1оч1адж.
- Нартыр ч1ым тетыфэ пфиутытэп
- Ч1ым ептырэр къыуетыжьы.
- Ч1ым зэк1э зэфэдэ еш1ыжьы.
- Ч1ым нахь бай зи щы1эп.
- Ч1ым нахь хьылъэ щы1эп.
- Ч1ыр егъэгырзы.
- Ч1ыр зэгози дэфагъ.
- Ч1ыфэ ептымэ, уриныбджэгъу, къыз1ыпхыжьк1э – урипий.
- Ч1ыфэм, – сышт, сымытыжь, – е1о.
- Ч1ыфэр зэптырэр уиныбджэгъу, къызы1ыпхыжьырэр уипый.
- Ч1ыфэр штэгъош1у, ау тыжьыгъуае.
- Шкын 1эш1ор гугъэчэф.
- Шхъуахьыш1эр ишхъуахьыш1агъэ тек1одэжьы.
- Шхыныр умыгъэунэшк1оу фаш1э и1эщтэп.
- Шхэгъум иныжъ*, ш1эгъум туснакъ*.
- Шхэк1ыгъэрэ нэк1ыгъэрэ зэрэш1эрэп.
- Шхэным тек1одэрэ уахътэр щы1эныгъэм хэк1ырэп. 1анэм узэрэ1ус уахътэр Тхьэм щы1эныгъэм хилъытэрэп
- Шъорэк1ым, – пшъо схьын, арэп п1омэ – унэ схьын, – е1о а1уагъ.
- Шъоу нашэр 1эш1у, ш1у плъэгъурэр дахэ.
- Шъоури 1эш1у, зимык1асэмк1э дыджы нахь.
- Шъоури 1эш1у, зыгу римыхьырэмк1э дыджы нахь.
- Шъуае зыдэщымы1эм цыгъо щэджэгу. Чэтыу зэрымысым цыгъо щэджэгу
- Шъуатэр* зыгу рихьырэм решъу, пшъашъэр зыгу рихьырэм ещэ.
- Шъуаш1эм къамыщ и1эп, пхъаш1эм ощ и1эп. Шъуаш1эм и1ашэр дыды
- Шъуз бгынэрэ хэгъэгу бгынэрэ зэфэдэ.
- Шъуз бзаджэ ил1 ш1эхэу жъы мэхъу.
- Шъуз бзаджэм благъор бым къырефы.
- Шъуз бзаджэм и1эзэгъур хьадэгъу.
- Шъуз дахэр тхьамэфэ шъуз, шъуз дэгъур егъэш1эрэ шъуз.
- Шъуз дэгъу 1эпэч1эгъанэ* щык1эрэп.
- Шъуз дэгъу ыбгъэмэ щэ арыт зэпыт. Ш1узыш1у быдзыщэ щык1эрэп
- Шъуз дэгъум л1ы дэир дэгъу еш1ы, шъуз дэим л1ы дэгъу егъэпыуты.
- Шъуз зимы1э л1ыр шхо зытемылъы шым фэд.
- Шъуз зыщыбгъотырэм ны бгъотыжьыщтэп.
- Шъуз мылъфэ ик1алэ гъырэп.
- Шъуз мылъфэ нахьи, пчэн лъфэн.
- Шъуз пый нахьи, чылэ пый. Къуаджэм ыгъэпыутыгъэ л1ыр шъузым къыдищыжьын, шъузым ыгъэпытыгъэ л1ыр къуаджэм къыдищыжьынэп
- Шъуз фэмыф зи1эр насыпынчъ.
- Шъузит1урэ къазит1урэ бэдзэр.
- Шъузмэ псыхьэ адак1орэр мыжъыкъ.
- Шъузым ы1орэр умыш1э, ыш1ырэр шхы.
- Шъузымэ анахьыш1ури – л1ымк1э пый шъэф.
- Шъузыр жъы хъужьмэ, нахьыш1у мэхъу. Хьакум ныхьыбэрэ хьалыгъур итмэ дэгъоу мажъэ, шъузыр бэрэ унагъом исмэ дэгъу мэхъу
- Шъузыш1у зи1эм имы1э щы1эп.
- Шъузыш1у и1анэ шыгъахэ.
- Шъузыш1у ил1 нэк1ушъхьаплъ.
- Шъузыш1у ил1 ц1эры1у, шъуз дэим ил1 ц1э1ужь.
- Шъузыш1у ил1 ц1эры1у.
- Шъузыш1ур унэ, шъуз дэир ч1ыун.
- Шъхьадж зэрэфэхъоу ипа1о егъэт1ысы.
- Шъхьадж ифэшъуашэр иныбджэгъу.
- Шъхьадж ылъэпкъы еожьы. Пырамыбжьэр мэшъхьалъэ шъхьадж илъэпкъ еожьы.
- Шъхьадж ынэт1эгу итхагъэм блэк1ырэп.
- Шъхьадж ыц1э ежь зыфеш1ыжьы.
- Шъхьак1о зышхырэр шъхьэшхыгъо ефэжьы.
- Шъхьак1ом к1ако* уегъэш1ы.
- Шъхьалыр зыхьырэри мэгырзы, шъхьалым ык1э зыхьырэри мэгырзы.
- Шъхьахыным ушъхьагъуишъэ къегъоты.
- Шъхьахынэм мафэр илъэсэу къыщэхъу.
- Шъхьахынэм ушъхьагъур ик1ас.
- Шъхьахынэмрэ къэрабгъэмрэ зэныбджэгъух.
- Шъхьахынэр бын гъэунэхъу.
- Шъхьахынэр тэджымэ быныр псы ешъо.
- Шъхьахынэрэ къэрабгъэрэ зэшых.
- Шъхьэ зыпымыт пкъым лъакъо ищык1агъэп.
- «Шъхьэ», – зы1орэм па1о ет.
- «Шъхьэ къахь» а1омэ – па1о къехьы.
- Шъхьэм имылъымэ – лъыр мэулэу.
- Шъхьэнэк1ы па1о щымылъ.
- Шъхьэпсау па1о щык1эрэп.
- Шъхьэшхо нахьи акъылышху.
- Шъхьэщытхъужь пстэури пц1ыус.
- Шъхьэщытхъужьымрэ къэрабгъэмрэ зэблагъ.
- Шъынашъхьэ плъэгъумэ – гъэмафэ, 1эташъхьэ плъэгъумэ – к1ымаф.
- Шъынашъхьэ плъэгъумэ гъатхэр къэсыгъ.
- Шъыпкъа1ом тхьэри игъус.
- Шъыпкъагъэ зимы1эм ц1ыфыгъэ хэлъэп.
- Шъыпкъэм гур егъэлъэшы.
- Шъыпкъэм нэр рек1ы.
- Шъыпкъэм рыгъуазэрэм игъогу занк1э.
- Шъыпкъэм фэмыем шъыпкъагъэ хэлъэп.
- Шъыпкъэм шъыпкъэ ипэгъок1.
- Шъыпкъэм ылъапсэ хасэм ик1эсэн.
- Шъыпкъэр дышъэм нахьи нахь лъап1.
- Шъыпкъэр дышъэплъым нахьи нахь лъап1.
- Шъыпкъэр лъэшы.
- Шъыпкъэр маш1оми ыстырэп, псыми ытхьалэрэп.
- Шъыпкъэр насыпым ызыныкъу.
- Шъыпкъэр онтэгъу, ук1оч1аджэмэ, уриутыщт.
- Шъыпкъэр онтэгъу, хъыбэир* реуты.
- Шъыпкъэр онтэгъу.
- Шъыпкъэр пш1энэу уфаемэ сабыим еупч1.
- Шъыпкъэр тыгъэм фэд.
- Шъыпкъэр тыгъэнэбзыйми нахь нэфын.
- Шъыпкъэр хьыкумым щыщтэрэп.
- Шъыпкъэр хьылъэ, укъарыунчъэмэ* уриутыщт.
- Шъыпкъэр чатэм нахьи нахь чан.
- Шъыхьэым ыбжъэ ипый.
- Шъэрэ зэхэпхыны нахьи зэ плъэгъумэ нахьыш1у.
- Шъэрэ п1орэр зэ мэхъу.
- Шъэф зимы1э щы1эп.
- Шъэфрэ нафэрэ зэпыих.
- Шъэфым нафэ ик1асэп.
- Шъэфыр зыфэмыушъэфырэр – л1эп.
- Шъэфыр зыфэмыушъэфырэр – ц1ыф ныкъо.
- Шы дэгъурэ шыпхъу ц1эры1орэ а1уагъ.
- Шы лъэхъагъэрэ л1ы чъыягъэрэ.
- Шы пк1энт1агъэм уанэ ек1урэп.
- Шы уцуагъэм хьэр енэц1ы.
- Шыблэр зэрэгъуагъорэм фэдэу ощхыр къещхырэп.
- Шым емык1урэм уанэр екъутэ.
- Шым ипыир ылъакъу.
- Шым къехыхэу щыдым тет1ысхьэхэрэп.
- Шым къыримыдзыхыгъэ шым тесыгъэп.
- Шым тес пстэури шыоп.
- Шым тесым сапэр къытехьэ, лъэсым къытетакъо.
- Шым тесэу шым лъыхъугъ.
- Шым уеомэ ик1о хегъахъо, щыдым уеомэ, ч1ып1э пфик1ырэп.
- Шым укъефэхымэ ныбэпсым телъхь.
- Шыпхъунчъэ нахьи, шыпхъу нэшъу.
- Шыум ыгу к1одымэ шыр чъэжьырэп.
- Шыурэ лъэсрэ зэрэш1эрэп.
- Шыш1ум тесыр бгъакъэ.
- Шышъхьабэ зытыгъэм шы хьаф къыратыжьыгъэп.
- Шышъхьэ зыблэбгъэк1ык1э, шык1эм улъымы1эбэжь.
- Шэфыр* фабэзэ афызы, к1алэр ц1ык1узэ агъасэ.
- Ш1у зыгу илъым ш1у фыщылъ.
- Ш1у зыгу имылъым ш1ук1э ущымыгугъ.
- Ш1у зыгу къыпфимылъым лъэхъу къыуедзы.
- Ш1у зыфапш1эрэм емыхъоныжь.
- Ш1у зыш1э зыш1оигъор упч1эжьырэп.
- Ш1у зыш1эрэм ш1у фыщылъ.
- Ш1у зэрэлъэгъуит1умк1э зы 1эгъуапэри джэнэт.
- Ш1у зэрэлъэгъурит1умк1э, бгъэнышъхьэ унэри джэнэт.
- Ш1у мыш1э е 1уатэ.
- Ш1у плъэгъурэм ебгъаш1э пш1оигъомэ нахьыбэрэ ыц1эк1э едж.
- Ш1у плъэгъурэм маш1ом удыпэхьат.
- Ш1у плъэгъурэр 1эш1у, плъэгъу мыхъурэр дыджы.
- Ш1у узылъэгъурэм осым фэдэу уш1окъабз.
- Ш1у ш1и, псым хадз.
- Ш1уш1эм к1асэ и1эп.
- Ш1улъэгъуныгъэ зыдэщымы1эм чэфыгъуи щы1эп.
- Ш1улъэгъуныгъэм «1ае», «дахэ» ы1оу зэхидзырэп.
- Ш1улъэгъуныгъэм 1эегъэ-дэхагъэ и1эп.
- Ш1улъэгъуныгъэм тек1оныгъэ уегъэш1ы.
- Ш1улъэгъуныгъэм ылъапсэр гукъэбзагъ.
- Ш1улъэгъуныгъэр ащэрэп ык1и ащэфырэп.
- Ш1улъэгъуныгъэр к1уач1эк1э къыдахырэп.
- Ш1улъэгъуныгъэр ратэкъуахьырэп.
- Ш1унк1ыми укъыщалъэгъу, губгъоми укъыщызэхахы.
- Ш1уш1э бащэ щы1эп.
- Ш1уш1э лые хъурэп.
- Ш1уш1эр гъэш1э к1ыхь.
- Ш1эгъум къуйжъый, шхэгъум иныжъ.
- Ш1эныгъэм гъунэ и1эп.
- Ш1эныгъэр мык1одыжьын былым.
- Ш1эныгъэр Тхьэми ц1ыфхэми як1ас.
- Щалъэм имыты псыр къик1утырэп.
- Щтэрэм щэ тефэ.
- Щыбзэк1э псы къехьы (пц1ыус зыфи1у)
- Щыгъу зышхырэр псы ешъо.
- Щыгъу-п1астэ зыщыпшхыгъэм шъхьащэ фэш1.
- Щыгъу-п1астэр шхы, шъыпкъэр 1о.
- Щыгъын пырацэми л1ы к1оц1ыт.
- Щыдым ытхьак1умэ егъэсысы пай тыгъужъыр щынэрэп.
- Щыдыр уташъомэ тэлаум ехьы.
- Щык1эгъабэ зи1эр анахь убак1у.
- Щысыпэ нахьи, пэ щиз.
- Щытхъур бжьымк1э къахьырэп.
- Щытхъур къызэрахьырэр 1офы.
- Щытхъур ц1ыфым къыдалъфырэп.
- Щэм ыстырэр псым епщэ.
- Щэк1э гъэпк1ыгъэ.
- Щэ1агъэ зи1э ц1ыфыр бай пстэуми анахь бай.
- Щэ1агъэ зи1эм насып и1.
- Щэ1агъэм ыч1эгъы дышъэ ч1элъ.
- Ыбзыщт, ау ыбзын и1эп.
- Ыбзэгу тек1одэжьыгъэ 1оджи къэм дэлъ.
- Ыгу илъым ежьыр егъэжъы, ыжэ къыдэк1ырэм тэ тегъэжъы.
- Ыгу ихьэрам.
- Ык1э маш1о егъэугъ.
- Ынэ къэущакорэп.
- Ынэ хьашъо к1эбзагъ.
- Ыцэ лъыгъэу щыс.
- Ычыи псэу рык1орэр олъэгъу.
- Ышъхьэ жьыбгъэр щэшъуе.
- Ышъхьэ уарзэ илъ.
- Ыщэрэр тыгъу, щэмэ, мэтыгъо.
- Ы1э дышъэр пэзы.
- Ы1э тхьак1эпси уриуасэп.
- Ы1эхъуамбэхэр зэгок1агъэх
- Янэ еплъи, ыпхъу къащэ.
- Янэ л1эу къылъфыгъ.
- Ятэ еплъи ыкъо дак1у.
- 1азэм мэзахэ и1эп.
- 1анэм зи темылъымэ, пхъэмбгъужъ.
- 1апл1 ч1ы1э нахьи 1эпэубыт фаб.
- 1ахъом ибэщ иупч1эжьэгъу.
- 1ор1уатэр жъы хъурэп.
- 1оф зыдыуимы1эгъэ ц1ыфыр умыубы е ык1и ущымытхъу.
- 1оф мыублэм блэ хэс.
- 1оф пстэури заш1эу пш1эн плъэк1ыщтэп.
- 1оф псынк1э хъурэп.
- 1оф пш1эмэ 1ахьынчъэ ухъунэп.
- 1офш1ак1э зыш1эрэм икон ушъагъэ, 1офш1ак1э зымыш1эрэм ыныбэ нэк1ы.
- 1офш1ак1э зыш1эрэр 1офым ыгъэпшъырэп.
- 1офым зи ыгъэл1агъэп.
- 1офш1эгъум 1эхъомбитф, шхэгъум – 1эхъомбипш1.
- 1офш1энырэ бзылъфыгъэрэ зэблэк1ырэп.
- 1офэу и1эр зэк1э ыухи, зи л1эжьыгъэп.
- 1ук1э бзыоу быбырэр къеубыты.
- 1ушыр шъэрэ зырэ мэупч1эжьы.
- 1ушым къыуи1орэм уедэ1умэ ухэукъонэп.
- 1ушым щыуагъэу фэхъурэр зыдеш1эжьы.
- 1ушыр агъаш1о, делэр агъэуджы.
- 1ушыр мэупч1эжьы.
- 1энтэгъур благъэ унэсырэп нахь.
- 1эхъомбитфыр зэрэзэфэмыдэм фэд, ц1ыфыхэри зэфэдэхэп.
- 1эхьыл лые хъурэп.
KAYNAK : KUYEKO ASFAR